GMN TV Capital Governu sei fó indemnizasaun ba komunidade afetadu projetu drenajen

Governu sei fó indemnizasaun ba komunidade afetadu projetu drenajen

0 views

Diretór Jeral Agua no Saneamentu, Gustavo da Cruz, hatete, Governu sei fó indemnizasaun ba komunidade iha Postu Administrativu Kristu-Rei ne’ebé afetadu ba projetu planu mestre Saneamentu no drenajen iha munisípiu Díli. 

“Atu implementa projetu planu mestre ba saneamentu no drenajen iha munisípiu Díli estabelese ekipa intregadu ida ne’ebé kompostu husi Autoridade Munisípiu Díli Ministériu Interior Ministériu Agrikultura Ministériu Obras Públikas Terras no Propriedades hodi responde preokupasaun komunidade nian wanhira projetu ne’e Governu implementa iha Munisípiu Díli, tanba ne’e mak antes atu implementa projetu ne’e governu halo uluk enkontru ho Autoridade Lokal no Komunidade sira hodi hatene”, hatete Gustavo da Cruz ba GMN iha Sentru  Juvenil Becora, Díli, Segunda (17/08).

Diretór Jeral Agua no Saneamentu, Gustavo da Cruz  mos hatete antes atu implementa projetu presisa tebes atu halo sensibiliasaun hodi fo imformasaun konaba lalaok projetu refere tanba projetu ne,e sei afeta mos komunidade nia hela fatin.

“Ami sei kontinua fahe informasaun ba komunidade iha Postu sira seluk. Enjeral komunidade ne’ebé afetadu ba projetu iha Postu Administrativu Kristu Rei hamutuk uma 164 maibé númeru ne’e rasik seidauk fiksu tanba evolusaun dezenvolvimentu iha Postu refere lao nafatin, entaun númeru ne’e bele aumenta ou bele mós menus”.

Iha parte seluk, Diretor Jeral Protesaun Sivíl, Ismail Babo, konsidera projetu ne’e importante atu foti dignidade Díli nudar kapital Timor-Leste tanba ne’e husu ba komunidade atu koopera liu-liu komunidade ne’ebé afetadu.

“Haree ba importante hosi projetu ne’e, ami hakarak fahe fahe informasaun ba komunidade sira atu hotu-hotu hatene katak, iha tempu badak ekipa intregadu  sei tun ba halo identifikasaun konaba, ai-oan no aihoris ne’ebé komunidade sira iha”imforma Ismail Babo.

Maibe Xefe Suku Camea, Matos da Costa, preokupa ho sensibilizasaun ne’e tanba Autoridade Lokal sira seidauk hetan dadus ruma husi Governu ba komunidade ne’ebé afetadu ba projetu refere.

Entretantu ekipa integradu hala’o ona sensibilizasaun iha Postu Administrativu Nain Feto, Vera Cruz, Dom Aleixio no remata iha Postu Administrativu Kristu-Rei kona-ba implementasaun projetu ne’e.

Tuir planu iha loron 27, fulan Agostu, tinan ne’e, Governu sei halo lansamentu ba projetu refere iha salaun otól Novo Turismo. aba


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker