Sekretariu Estadu Protesaun Sivíl (SEPS), Joaquim Gusmão Martins, hatete, maske la fasil atu implementa projetu planu mestre ka drenajen no sanitáriu, tanba sei afeta komunidade barak, maibé Governu kontinua esforsu hodi sensibiliza ba komunidade, nune’e sira bele hatene benefísiu husi projetu ne’e.
“Ita komesa tiha ona ita nia programa ne’e dezde tinan 2012 i agora ne’e iha ona faze halo sosializasaun halo nusa mak ita bele implementa ita-nia programa mestre ne’e, liu-liu iha Díli, importante tebes atu konsentra programa ida ne’e iha ita nia kapitál, tanba ne’e, mak Governu nia hanoin la’os halo ida pur ida, maibe halo planu mestre ida ne’ebe mak bele rezolve problema sira ne’ebé maka ita iha, la’os de'it prazu ne’ebé badak, maibe haree mos ba oin”, hatete Joaquim, Kuarta (12/08/2020), liu husi ninia diskursu, iha sede suku Bairo Pite, Dili.
Iha fatin hanesan, Xefe suku Bairo Pite, João Baptista da Costa Belo, katak, programa sensibilizasaun planu mestre ne’e, importante tebes hodi bele fó benefísiu ba povu, nune’e bele evita problema inundasaun iha kapitál Díli iha futuru.
“Ha’u nia hanoin komunidade balun ne’ebé hela iha uma Estadu, rai Estadu, entaun ami sei hamutuk ho parte Governu, parte tekniku sira atu bele koalia ho sira para oinsa, para sira mos simu, ami servisu hamutuk para koopera di'ak, sé la’o iha komunidade nia laran para sira simu ho di'ak, atu nune’e planu ne’e ba oin ho di'ak, hanesan kona-ba agrikultur nini'an, rai Estadu, maibe balun kuda sasan iha laran hanesan ai-horis iha laran, nú no buat sel-seluk, uluk iha tempu Indonezia, Indonezia sira kuda hela, maibe agora iha ita nia tempu ita sei tur hamutuk hodi rezolve para ita nia osan labele sai maka'as halai liu fali ba ganti rugi arbiru”, hatete João.
Implementasaun ba projetu planu mestre iha kapitál Díli, finansia husi Millennium Challenge Cooperation (MCC) USD tokon atus rua resin no husi Governu Timor-Leste hamutuk USD tokon atus tolu. Jen
