GMN TV Capital Kapitál Díli, komunidade kontinua sosa bee-moos

Kapitál Díli, komunidade kontinua sosa bee-moos

51 views

Uma-kain 300, iha Bairu Kakaulidun, aldeia Niken, Suku Bairo-Pité, Postu Administrativu Dom Aleixo, Munisípiu Díli, kada loron kontinua sosa bee-moos hodi konsumu, tanba kanu bee ne’ebé parseiru internasionál no Governu anterior sira kanaliza, avaria ona.

Bee-moos ne’ebé komunidade sira sosa kada tanke ho presu USD 30.00, ho garantia ba semana rua nia laran.

“Ami husu ba Estadu la’os atu fó buat seluk mai ami, maibé importante mak bee ba ami nia moris, se ita koalia kona-ba saúde, ita tenki fase liman, se bee laiha oinsa ami atu fase liman, onsa labarik sira ba eskola” sujere komunidade ne’e, ba GMN, Sábadu (21/08).

Komunidade mós kestiona, Servisu Água no Saneamentu (SAS) anterior, atuál Bee Timor Leste Empreza Públiku (BTL.EP) rasik rejista ona hodi uza deit kontadór, maibé velosidade bee kiik, la to’o ba nesesidade komunidade nia.

“Ami ba rejistu iha SAS, mai dada tiha bee, ami liga mós la sae, bainhira bee ne’e SAS sira loke, ami tenke uza Sanyo mak dada foin bee ne’e sa’e,” tenik Alberto Mau loe.

Xefe Aldeia Niken konfirma, durante ne’e BTL.EP ho ekipa operasionál esforu hadia ona kanalizasaun, maibé la iha solusaun, tanba volume bee kiik liu.

Autoridade lokál ne’e rekuñes, durante ne’e komunidade sira sosa deit bee-moos iha karreta tanke sira hodi konsumu, no balun halo perfurasaun rasik.

“Ekipa operasionál konsege mai halo kanalizasaun duni, maibé labele rezolve, tanba bee nia presaun laiha no menus los” dehan Filomeno Barbosa, Xefe Aldeia Niken.

Aldeia Niken  iha uma-kain hamutuk 334, ho nia populasaun besik 2000.Eca


Banner

Foto

Notisia Ikus

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker