GMN TV Capital Semitériu Becusse laiha ona espasu

Semitériu Becusse laiha ona espasu

110 views

Koordenadór Jerál Semitériu Becusse, Inocensio da Silva Corte Real,  informa, semitériu Becusse laiha ona espasu hodi haloot mate-isin no konstrói rate.

Agora ita tama ba fulan Setembru, tama ba Outubru fatin laiha ona, kuandu aban bainrua mak fatin ne’e la iha ona, agora ami iha rate ne’e ami labele halo buat ida, tanba fatin ne’e mak laiha duni,” dehan Kooredendór Jerál semitériu Becusse, ba GMN, iha semitériu Becusse, Segunda (30/08).

Nia hatete, Governu prolonga hodi kontinua simu mate-isin, dala-barak fatin laiha ona, ekipa koveiru iha semitériu ne’e deside haloot hamutuk deit iha kampaun ida.

“Nia hakarak mai sobu loke fali kampaun nia aman nian ka nia ka nia avo nia, ami tenki simu de’it ona” dehan nia.

Inocensio husu Governu tenke hadia ona semitériu foun Metinaro, ne’ebé Governu rasik deside ona hodi substitui semitériu Becusse, “oinsa mak Governu bele hanoin lalais hadia ona fatin ida iha Metinaro ne’e,”nia sujere.

Semitériu Becusse nia naruk metru kuardadu 300 resin, ho nia luan ne’ebé hanesan. To’o ohin loron, semitériu ne’e akumula ona mate isin besik rihun 4, kompostu labarik to’o ba idozu.

Antes ne’e, autoridade lokál Munisípiu Díli hamutuk ho Diresaun Nasionál Terras no Propriedade, identifika ona rai éktare 16, iha Aldeia Manleu, Suku Wenunuk, Postu Administrativu Metinaro, hodi substitui semitério Becusse, tanba laiha ona espasu atu hakoi mate-isin.

Orsamentu ne’ebé aloka ba prosesu konstrusaun semitériu foun ne’e, hamutuk rihun USD 400.000.00, no husi total ne’e, rihun USD 200.000.00 aloka ba indemnizasaun no USD 200.000.00 uza ba konstrusaun.Dms


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker