GMN TV Capital Ensera jogu amizade ho missa eukaristia, Pe. Elias de Deus: Ha’u louva komunidade Bairo Nossa Senhora

Ensera jogu amizade ho missa eukaristia, Pe. Elias de Deus: Ha’u louva komunidade Bairo Nossa Senhora

0 views

Padre Parokia Comoro Elias Maia de Deus, SDB, hateten, Igreja apresia inisiativa komunidade Bairo Nossa Senhora A ho B, ne’ebe ensera atividade desportiva ho jogu amizade liu husi missa eukaristia.

Pe. Elias Maia de Deus, SDB, katak, atividade refere importante atu hametin amizade entre komunidade sira iha bairo.

”Hanesan Padre Paroco, kontenti teb-tebes tamba responsavel bairo, joven no mos komisaun organizadora sira konsege realiza atividade ida ne’e ho diak. Ha’u fo ha’u nia parabens ba imi bairo moris foun bairo Nossa senhora A no B, imi nia inisativa diak tebes, tanba imi halo atividade ida ne’e atu ensere líu hosi missa eukaristia ida,” Pe. parokia Comoro, Elias Maia de Deus, SDB, hato’o lia menon ne’e wainhira prejide missa  Missa refere iha semana kotuk, iha bairo foun Nossa Senhora.

Pe. Elias haktuir, igreja nafatin fó apoiu ba joven sira atu bele realiza atividade sira ne’e no enkoraza sira atu respeitu malu, hadomi malu hodi hametin relasaun iha bairo laran.

Missa refere hetan partisipasaun masimu husi joven, labarik no ferik ho katuas sira, komunidade sira ne´ebe mak partisipa iha eventu ne’e mai husi modalidade futsal kompostu feto ho mane mai husi labararik no adultu, entretantu modalidade volly ball kompostu husi feto adultu sira.

Hafoin missa ba jogu amizade ne´e komisaun organizadora fahe taxa ba vensedor sira kompostu, vensedor primeiru lugar Futsal Crianças FC Liberty. primeiru lugar futsal femenina adulto FC Naroman, Primeiru lugar Futsal Masculino Adulto FC Nakukun no primeiru lugar volly ball feminino hosi clubo MARISOL. inklui premiu ba vensedor segundu no terseiru lugar.

Padre Elias hateten, maske atividade neé lahetan apoiu hosi Governu no organizasaun ruma, maibe komunidade bairo neé kolabora malu ho diak nune´e atividade lao diak husi inisiu too remata.

Iha fatin hanesan reprezentante komisaun organizadora ba atividades jogu amizade, Xisto Freitas, hatete, nia parte orgulho kontribuisaun komunidade sira nian iha atividade durante ne’e.Nia haktuir, fundus ne´ebe uza ba atividade ne´e mai husi kontribuisaun komunidade Bairo refere, no la hetan fundus husi governu no ONG balu. Tuir planu programa refere sei kontinua halao hodi komemora loron istoriku Timor nian.

“Atividade jogu amizade ida ne’e inisiativa ami nian rasik, Provizoriamente ami lahetan fundus ruma hosi Governu ou organizasaun ruma. Ami hotu kolobora hamutuk ho inan aman nomos autoridade iha Bairo laran tau hamutuk osan no osan registrasaun hosi partisipantes sira, hodi nune aktividade ida nee bele lao diak no ohin tama iha faze ikus liu,’ dehan nia.

Nune’e mos kapitaun klube FC Naroman, Maria Margaretha hateten, senti orgulho tanba bele sai vensedor  iha jogu refere.

“Ami sentihanesan feto nomós hanesan inan ami bele partisipa iha jogu futsal ida nee no bele sai kampiaun. ’’Mesmu premiu ne’ebé ami simu ki’ik maibe ida nee hola parte ba iha ami nia kontribuisaun kria paz no amizade iha bairo laran,” haktuir Maria Margaretha.

Jogu amizade ida ne’e hahu hala´o iha fulan agostu no remata iha loron 22 fulan Setembru tinan ne´e. Objektivu hosi atividade ne´e hodi komemora loron Falintil ba dala 42, nomos loron REFERENDUM iha loron 30 fulan Agostu foin lalais ne´e. Ded


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker