GMN TV Capital KOMUNIDADE HUSU VII GOVERNU FO ATENSAUN BA BEE MOS

KOMUNIDADE HUSU VII GOVERNU FO ATENSAUN BA BEE MOS

0 views

Komunidade Aldeia 4 de Setembro, Suku Comoro, Edmundo  Pinto, husu ba VII Governu atu prioridade ba bee mos, tanba durante tinan barak ona komunidade barak iha kapital Dili seidauk asesu ba bee mos.

Edmundo  Pinto hato’o lia hirak ne’e, tamba durante primeiru Governu to’o sestu Governu, komunidade seidauk asesu ba bee mos, tamba ne’e sira husu ba Governu foun mai, atu tau atensaun másimu ba bee mos. Edmundo  Pinto, hatete,  durante ne’e sira la asesu ba bee mos, tamba komunidade barak mak mai hela iha Aldeia ne’e, aumenta ba bebeik. Nia mós dehan, iha duni ajudu husi  ONG Aileo kona-ba bee mos ba sira, maibe nafatin la sufisiente. “Ami husu ba VII Governu, liu liu mai ami komunidade Aldeia 4 de Setembro partensia rai hun, ezije importante mak bee mos ne’e mai ami, tamba Governu foun tenki tau atensaun ba preokupasaun komunidade nian kona-ba bee ne’e,”hatete Edmundo Pinto ba jornalista GMN, Tersa (05/09/17), iha Kampung Baru Dili. “Lor-loron komunidade tenki lalin bee dook husi sira-nia hela fatin, kuru be’e ba to’o Bombeiros, maske bee foer, maibe komunidade sira konsege hemu, tamba sira la hatene atu foti tan be’e mos iha ne’ebé,”dehan nia. “Durante ne’e, difikuldade mai ami mak halerik ba be’e mos, no durante tina rua nia laran, ami husu ba Servisu Agua no Saneamentu(SAS) hala’o ona enkontru ho ami komunidade, koalia deit komunidade sira hakarak hetan bee mos tenki selu, maibe realidade bee mai, ami la iha,”esklarese Edmundo. Alende ne’e iha fatin hanesan, Elena dos Santos, komunidade Aldeia 4 de Setembro mós preokupa maka’as tamba durante ne’e sira lahetan bee mos.  “Deder to’o lorokraik ami hanesan ba fa’an jergen ka masa, la’o ba mai hodi buka bee, no ba ema seluk ne’ebé iha motor no kareta bele  lori  lalin bee, maibe hanesan ami ne’ebé la iha motor no kareta, lalin bee la’o ain deit hodi bele haan hemu,”salienta Elena. Nia afirma, durante ne’e mós autoriedade lokal latun direta hodi haree problema ne’ebé sira enfrenta.  “Ami husu Governu foun mai tenki tau atensaun másimu mai ami komunidade ne’ebé ezije hela ba bee mos ne’e,”dehan nia.Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker