GMN TV Capital Dom Basílio kondena ema sona mate joven ida iha Hera

Dom Basílio kondena ema sona mate joven ida iha Hera

0 views

Bispu Deoseze Baucau Dom Basílio do Nascimento, lamenta  aktu kriminal  ne´ebé mak ema deskoñesidu  sona mate Carlos da Costa iha eskola Sekundaria  Vokasional Hera, semana kotuk.

Dom Basílio hateten, oho ema ne’e hanesan kontra Maromak nia ukun fuan lima.

``Maromak nia ukun fuan lima dehan saida, labele oho depois  mós ha´u hanoin   katak, buat  ne´e la´os deít uma kreda nia  perspetiva klaru buat ne´e liu husi maromak nia ukun fuan ema hanoin buat ne´e uma kreda  nian de´it, maibe buat  ne´e vida ema nian ne´e atu saida  de´it, vida ne´e hanesan bo’ot ida nia folin hanesan, ki’ik ida nia folin, ki’ik ida nia folin, ema ida ne´ebé sosialmente  ita la fó folin tanba de´it nia moris. Ne´e duni laiha ema ida iha direitu atu estraga fali ida seluk nia vida``,esplika   Bispu Deoseze Baucau Dom Basílio do Nacimento, ba GMN Sesta (21/09/18), hafoin partisipa iha misa ordenasaun iha  Igreja Santa Ainaro.

Relasiona ho  akontesimentu ne´e,  Dom Basílio do Nacimento, husu autoridade seguransa atu kaptura suspeitu.

 ``Ita ida-idak uza konsiensia, maibe hahalok ida halo hasoru komunidade ninia vida, komunidade nia estabilidade  ne´e violasaun ona kona-ba dereitu komunidade nian ba paz no hakmatek.  Ne´e la´os Igreja mak atua, tanba uma kreda laiha Polísia, laiha forsa laiha Tribunal, maibe ida ne´e Estadu Governu nia obrigasaun buat ne´ebé relasiona ho justisa``,dehan Dom Basílio do Nacimento.

Entretantu kazu  ema deskoñesidu sona mate Carlos da Costa akontese iha eskola Sekundaria Vokasional Hera iha Domingu  loron 16 fulan Setembru mais ou menus tuku tolu  madrugada.

Ne´ebé mak tuir Polísia Nasional Timor-Leste iha Sabadu kalan vítima Carlos da Costa partisipa iha festa koremetan ida iha Hera to'o kuaze tuku rua ho balun madrugada

Hafoin ne'e Carlos koalia  ho ninia kolega Beti Manuela Tilman idade 12 , iha eskola Sekundaria  Vokasional Hera,  maibe derepente ema deskoñesidu ida mosu no tuku Carlos to'o monu tun ba rai.

Ho nune'e,  ema deskoñesidu ne'e aproveita rasta Beti Manuela Tilman ba eskola kotuk no tenta atu halo abuzu  seksual no hakanek vítima  ninia isin lolon balun. Tanba  ne´e  matebian Carlos halai ba atu salva Beti maibe  suspeitu kaer tudik no sona  Carlos iha ninia kabun no rezulta vítima mate iha fatin.avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker