GMN TV Capital Lixo barak nafatin, susar transforma Díli ba sidade metropolitanu

Lixo barak nafatin, susar transforma Díli ba sidade metropolitanu

0 views

Tuir planu, ba tinan 5 ne’e VII governu konstitusionál liuhusi Ministériu Administrasaun Estatal sei ho esforsu atu transforma kapital Díli sai nu’udar sidade metropolitanu hanesan mós ho sidade sira seluk iha nasaun liur.

Metropolitanu ne’e ba sidade ne’ebé bo’ot, tantu iha nia área ekonomia, sosiál no populasaun. Maibé tuir lider komunitáriu suku Akadiru-Hun, Postu Administrativu Na’in Feto, Juvinal da Conceição katak, wainhira Díli ne’e atu sai sidade metropolitanu signifika laiha ona lixu.  “Ita nia Ministru Administrasaun Estatal foun hakarak transforma Díli sai sidade metropolitanu ne’e di’ak. Díli ne’e kuandu sai sidade metropolitanu, signifika lixu mós laiha ona. Maibé karik lixu mak bar-barak nafatin iha Díli, ida ne’e ita hanoin susar oituan atu muda Díli sai sidade metropolitanu,”hateten Xefi Suku Akadiru-Hun, Juvinal da Conceição ba GMN, Tersa (3/10) iha sede suku Akadiru-Hun.

Lider komunitáriu ne’e hatutan, atu transforma Díli ba sidade metropolitanu, governu presiza implementa lei ne’ebé bandu komunidade sira iha kapital Díli soe foer arbiru no tenki aplika sansaun ka multa ba komunidade ne’ebé soe foer arbiru.

“Segundu mak tenki muda ema nia mentalidade, komunidade balun iha Díli mós ita haree seidauk iha konsénsia ne’ebé di’ak hodi soe foer iha nia fatin. Ita koalia bebeik maibé sira ladun rona. Tanba ne’e alternativu di’ak mak ita tenki aplika lei, sela’e susar oituan ita atu transforma Díli ba sidade metropolitanu,”lider komunitáriu ne’e esplika.

Fatin lixu movel ne’ebé oras ne’e dadaun Munisípiu Díli (MD) monta ona iha suku Akadiru-Hun ba komunidade sira bele soe foer, hamutuk hotu iha 4 no tuir planu sei aumenta tan lixeiru iha suku ne’e.ías


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker