GMN TV Capital ESTATAL-SEMA lansa polítika no programa pilotu resiklajen lixu

ESTATAL-SEMA lansa polítika no programa pilotu resiklajen lixu

5 views

Vise Ministru ESTATAL, Abilio Caetano, Sekretariu Estadu Meu Ambiente  Deometrio de Carvalho,neebe  akompaña xefe suku Motael Cornelio de Araujo ofisialmente halao lansamentu politika no programa pilotu resiklajen lixu iha suku Motael, Tersa- feira semana ne’e.

Vise Ministru ESTATAL, Abilio Caetano, hatete programa nee inisitiva husi suku ho objetivu atu komunidade uma-kain iha suku Motael bele soe foer iha nia fatin nebe preparadu husi munisipiu Dili atu nunee sai estrutura jestaun lixu solidu, sustentavel ba Motael ida neebe moos no matak liu.

Alende komunidade suku Motael sira bele halo separasaun lixu solidu ba uma-kain, edifisiu, kios, restaurante, eskola no sira seluk tan.

Vise Ministru ESTATAL louva inisitiva suku Motael nee ,tamba nee, governante nee fiar katak suku Motael sei sai suku ida neebe mos no sai ezemplu ba suku sira seluk.

“Programa nee inisiativa husi lider komunitaria suku Motael nian liu husi sira nia servisu hamutuk ho parseria sira seluk  hodi kombate lixu iha kapital Dili, liu liu lixu solidu sustentavel ba Motael ida neebe moos no matak liu,, Vise ministru ESTATAL Abilio Caetano”, hatete governante nee>

Iha fatin hanesan xefe suku Motael, Cornelio de Araujo, informa funsaun fatin lixu separasaun neebe mak suku Motael prepara iha oin no kor 4, hanesan fatin lixu ho kor mean, soe lixu vidru no botir, kinur soe lixu hahan restu, matak, soe lixu surat tahan ou kaixa, azul soe lixu masa ou plastiku.

,,Ho fatin lixu neebe ami hetan apoiu husi autoridade munisipiu Dili nee atu hau nia populasaun sira bele soe foer tuir separasaun lixu hanesan botir, vidru rahun tau iha nia fatin ,plastiku no kaixa tau iha nia fatin ,hahan restu mos hanesan tau iha fatin ketak, atu produsaun lixu sira bele mai foti loro loron hodi ba halo produsaun ba talentu neebe sira iha ,, dehan xefe suku Motael.

Eusebina Martins,rejiklajen lixu, konsidera programa  jestaun lixu solidu sustentavel nee diak ,tamba bele hafasil sira atu hetan lixu no sei la lao dok hodi buka lixu.

Nia haktuir produsaun lixu neebe mak durante nee sira produs mak lixu aqua ,arame, plastiku, surat tahan ba halo aifunan ho kor oi oin.

Alende halo produsaun lixu ba aifunan halo mos ba kadeira, sofa no halo kopu,sapeu, raga ba kompras iha merkadu.

,,Ami halo produsaun lixu nee mak hanesan Aqua mamuk no plastiku  ami halo aifunan,ho modelu oi oin vidru no botir rahun sira halo nafatin ba kopu no botir ho modelu seluk no roda at sira ami sei halo ba sofa no lixu fatin ho modelu oin seluk, Produsaun lixu Eusebina Martins, hatete.

Partisipa iha serimonia  lansamentu politika no programa pilotu resiklajen iha suku Motael nee partisipa husi Vise Ministru ESTATAL, Abilio Caetano,no Sekretariu Estadu Meu Ambiente, Deometrio de Carvalho, xefe suku Motael,Cornelio,embaixador indonesia iha Timor Leste, Sahat Sitorus, adjuntu autoridade munisipiu Dili Zeca Smith, autoridade lokal no komunidade sira.tos


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker