GMN TV Capital Komunidade rezita deklarasaun Xefi Suku Fatuhada

Komunidade rezita deklarasaun Xefi Suku Fatuhada

0 views

Komunidade Aldeia 03 No 05 suku Fatuhada-Díli, ne’ebé okupa rai família Alkatiri iha Lorumata rejeita karta xefe suku Marcelino Soares ho xefe aldeia 03 Zeferino Braz, ne’ebé hateten iha ona mediasaun no akordu entre komunidade ho rai na’in Ahmad Alkatiri.

Komunidade aldeia rua  03 ho 05 suku Fatuhada  Postu Administrativu Dom Aleixo hamutuk uma ka’in hitu nolu resin realiza konferensia imprensa, iha segunda feira loron 8 fulan Outubru iha Lorumata, deklara rezeita karta xefi suku Fatuhada Marcelino Soares ho xefe aldeia 03 Zeferino Braz ne’ebé hateten iha ona mediasaun no akordu entre komunidade ho rai na’in ahmad Alkatiri.

Tanba tuir komunidade husi aldeia rua ne’e katak, durante ne’e seidauk iha mediasaun no akordu entre parte rua ne’e.

Porta voz aldeia 03 no 05 Istorlino Pinto da Costa konsidera karta husi lider komunitária rua ne’e la bazeia ba realidade ne’ebé akontese iha terrenu no falsifikasaun dokumentu no falsifika lista komunidade.

Ami komunidade aldeia 03 no 0 aldeia 05 hakarak informa ba media tomak katak,  karta nebe fo sai husi xefi suku fatuhada, Sr. Marcelino Soares  no xefi aldeia 03 Sr. Zeferino Bras ho Sr. Ahmad Alkatiri, numeru referensia  1094/ SF/APA-DA/7/2018 ne’ebe hatete katak iha ona mediasaun ho okupantes iha data 3 fulan julho 2018 nomos iha ona akordu entre rai nain ho komunidade , karta ida ne’e ami rejeita totalmente. Tanba konteudu husi karta ne’e la bazeia ba realidade tanba ami seidauk iha mediasaun no akordu ruma ho rai nain. Tanba ne’e ami husu ba autoridade seguransa atu investiga klean liutan karta ida ne’e, Ministeriu publiku atu prosesa karta ida ne’e tuir lei. Ministeriu estatal atu toma medidas ba autoridade lokal ne’ebe uza nia poder tuir nia hakarak. Reprezentante povu iha ima fukun parlamentu nasional atu bele akompania ami nia komunidad nia preokupasaun”,hato’o Porta Voz Istorlino Pinto da Costa iha konferensia imprensa ne’ebe hala’o iha suku fatuhada Díli.

Relasiona ho kestaun ne’e GMN tenta konfirma ho xefi suku fatuhada Marcelino Soares maibé xefe suku ne’e laiha fatin.

Entretantu Gmn mós tenta konfirma ho rai na’in Ahmad Alkatiri maibé nia iha kondisaun moras no tenta entrevista ho ninia advogadu maibé sei atende hela kazu iha munisípiu.

Antes ne’e iha kinta-feira loron  4 fulan ne’e Ahmad Alkatiri halo ona pagamentu ba komunidade xefe família 34 ne’ebé iha aldeia 03 iha Luru Mata, xefe suku Fatuhada aprezenta nia lista ba família alkatiri tanba okupa rai familia Alkatiri nian no tuir planu sei halo pagamentu segundu faze nian  ba xefe família hat nolu resin.ías


Banner

Foto

Notisia Ikus

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker