GMN TV Capital Ohin, PN fó omenajen ba Administrador Manufahi

Ohin, PN fó omenajen ba Administrador Manufahi

0 views

Plenária ba ohin Tersa (02/10/18), Parlamentu Nasionál (PN), sei inklina ajenda atu fó omenajen ikus ba Prezidenti Autoridade (PA) Munisípiu Manufahi (Administrador), Carlito Pinheiro, ne’ebé hetan dezastre iha loron 30, fulan Setembru, hatete Prezidenti PN interina, Angelina Sarmento ba deputadu sira, bainhira husu PN dirije votus pezar, liu hosi plenária Segunda (01/10/2018).

Vise Prezidenti PN ne’e afirma, nia parte sei hato’o asuntu ne’e ba Prezidenti Parlamentu Nasionál, Arão Noe Amaral, atu prepara hodi fó votus pezar, nu’udar omenajen ikus ba matebian ho família  liu hosi sesaun plenária tuir mai.

Liuhosi plenária Segunda horiseik ne’e, deputadu bankada FRETILIN, Antonino Bianco, hato’o sentidu kondolensia ba família  matebian Carlito Pinheiro, nu’udar Prezidenti Autoridade munisípiu Manufahi nian.

“Ha’u hato’o ha’u-nia sentidu ba maluk sira ne’ebé família  hetan akontesimentu ne’ebé ema balun lakon nia vida iha mundu, maibe mundu seluk moris rohan laek ba sira, no família  bele simu situasaun ne’e ho fé metin”,hateten deputadu Bianco.

Alende ne’e, deputada bankada PD, Elvina de Carvalho, mós sujere ba meja Parlamentu atu nune’e, Parlamentu nu’udar reprezentante povu, hodi fó mos sentidu kondolensia ba matebian Prezidenti Autoridade Manufahi ne’ebé fó ona nia kontribuisaun no dedikasaun tomak durante nia sei moris.

“Matebian mai husi Manufahi, tanba halo atividade Estadu nian, ita Parlamentu Nasionál sempre halo votus pezar ba ema nasaun sira seluk ne’ebé mak hetan dezastre naturais ka funu ruma, ha’u rekomenda se bele ita mós halo votus pezar ba administrador no mós sira ne’ebé mak iha laran hotu”,sujere Elvina.

Matebian Carlito Pinheiro nu’udar Prezidenti Autoridade Munusípiu Manufahi, hakotu nia iis ikus iha fatin akontesimentu dezastre tráfegu, bainhira hala’o viajen husi Manufahi mai Díli hodi tuir enkontru Estadu nian, nune’e iha dalan ligasaun Maubisse ho Manufahi, iha Domingu, loron 30, fulan Setembru, tinan ne’e, nia tenki husik mundu ne’e.Say


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker