GMN TV Capital Komunidade kestiona BTL,EP “labele hein simu deit saláriu”

Komunidade kestiona BTL,EP “labele hein simu deit saláriu”

393 views

Komunidade Aldeia Klak-Fuik, Suku Becora, Postu Administrativu Cristo Rei, besik fulan rua ona sosa deit bee-moos hodi uza ba nesesidade loro-loron nian.

Tanba ne’e, sira husu ba funsionáriu Bee Timor-Leste, Empreza Públika (BTL, EP) labele tur deit iha fatin, to’o fulan ba simu saláriu.

“Besik fulan rua ona, ami sosa bee-moos, kareta tanke ida 25 no balun ne’ebé osan laiha sira buka bee iha kantor (eskuadra) polísia nia oin  hodi hadau malu hein bee para bele hetan bee. Dala ruma ami atu fase-roupa, ami tenke ba mota tanba bee-moos laiha. Tuir informasaun katak kanu mak a’at, maibe ekipa BTL nunka tun atu haree. Ne’eduni husu ba ekipa BTL atu labele tur deit, fulan-fulan manan osan, tenke haree povu nia preokupa­saun kona-ba bee-moos,” kestiona abitante Alcina Magno ba GMN iha Becora, Domingu (03/10).

Nia dehan, servisu BTL, ba haree ona kanu bee nian ne’ebé kotu, maibé to’o agora sira seidauk hadiak, hodi dada fali kanu bee nian.

“Ami hein to’o agora BTL seidauk  mai. Tanba ne’e, ami husu ba ekipa BTL tenke mai atu troka fila-fali paralon bee ne’ebé kotu ka dada fila-fali paralon, nune’e ami bele asesa ba bee-moos”afirma nia.

Kanu bee-moos ne’ebé aat, impkatu husi inundasaun ne’ebé akontese iha fulan Abril liu-ba

“Ami atu ba buka bee iha ne’ebé hodi uza ba nesesidade loro-loron nian, tanba bee laiha. Estadu tenke tau matan hodi haree ami povu, tanba durante inundasaun to’o agora laiha membru Governu ida mak atu mai haree ami,” Florindo.

Sira hatete, bainhira seidauk iha transformasaun Servisu Água no Saneamentu (SAS) ba BTL,EP kuantidade bee-moos ne’ebé sira asesa sei sufi­siente.

“Ema ida antigu ne’ebé hadia kanu ema ne’e la iha ona, entaun ema foun ne’e mai la komprende buat ida entaun sempre ha­lerik kona-ba bee, uluk sei di’ak, bee sei tama to’o uma mezmu que nia mai ladun barak, maibé ita sei bele uza, maibé agora kuaze 4 de Abril depois de inundasaun ami be moos laiha,” hatete Almeida Nunes.

Antes ne’e, Prezidente BTL,EP, Carlos dos Reis, rekoñese komunidade la dun hetan asesa ba bee-moos, tanba bonba balu avaria no volume bee kiik.aba/ axs


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker