Semana kotuk, li-liu iha loron finadu ahi mate lakan iha kapital Dili, nune’e halo konsumedor preukupa maka’as, tanba maioria nesessidade família uza energia eletrisidade.
Ba preukupa ne’e, Ministru Obras Publikas, Salvador Soares Pires, hateten, ahi mate lakan, tanba nuu tohar hanehan feeder electrical (transformador electrica).
“Ahi mate lakan, tanba feeder tolu maka hetan estragus, at liu tan maka feeder 2 iha bua laran nuu ida monu tun hanehan tan, depois nia lokalizasaun ne’e estrada asesu ba laiha ne’ebe tekniku EDTL halo manuntensaun manual deit katak lori eskada ba to’o iha fatin hodi halo manutensaun, nune’e kalan ne’e kedas sira hadia tiha feeder rua ida seluk han oras 24 nia laran maka finaliza,” hateten Ministru Obras Publikas, Salvador Soares Pires ba GMN iha palasio Governu, Tersa (06/11/2018).
Area hirak ne’ebe maka ahi lakan mate mak hanesan, Balide, Bemori, Vila-Verde, Manleuana, Comoro Mota Ulun Bidau Santa Ana no Metiaut.
Aleinde ahi mate lakan iha kapital Dili, iha loron Finado ne’e mos ahi lakan mate iha Municipiu li-liu parte Leste nian hanesan Municipiu Baucau no Lautem.
Iha Municipiu, Governante ne’e komfirma, ahi mate lakan iha Municipiu Baucau, tanba infraestrutura elektrisidade nian maka balu hetan estragus, alemde ne’e mos konnbustivel menus.
Maibe, Ministru Salvador Soares Pires promete sei tau iha responsabilidade nune’e labele akontese tan iha loron tuir mai. mia
