GMN TV Capital Dom Virgílio: Amu Papa fo prioridade liu ba nasaun frajil

Dom Virgílio: Amu Papa fo prioridade liu ba nasaun frajil

0 views

Bispu Dioseze Díli, Dom Virgílio do Carmo, deklara, maske eis Prezidente Repúblika (PR), Kay Rala Xanana Gusmão, José Ramos Horta, Taur Matan Ruak, no PR atual Francisco Guterres ‘Lú Olo’ fo konvite ona ba amu Papa atu vizita Timor-Leste (TL), maibe amu Papa laiha resposta ba konvite hirak ne’e, tanba amu Papa fo prioridade liu ba nasaun sira ne’ebé mak iha frajilidade nia laran. Tanba ne’e, husu ba sarani sira iha Timor-Leste atu pasiensia ho Amu Papa la mai vizita Timor-Leste ne’e.
Dom Virgílio hateten, laiha kestaun ida mak impede Amu Papa mai TL, maibe tanba deit seidauk iha tempu, tanba nu’udar ema númeru ida ba relijiaun Katolika nian iha mundu sei tau prioridade ba nasaun sira ne’ebé mak oras ne’e dadaun presiza duni nia prezensa, liu-liu nasaun sira ne’ebé mak iha frajilidade.
“Ita koalia kona-ba prátika, maske ita-nia konvite ba, maibe nia mos iha nia prioridade, los duni Timor maioria Katóliku ne’ebé hakarak tebes Papa nia vizita, maibe amu papa mos kuandu nia simu ita-nia konvite nia tetu ida ne’ebé mak nia tenki atende urjenti liu, ne’ebé tuir ita-nia haree lor-loron nia tenki tau uluk prioridade ba fatin sira ne’ebé mak nesesita duni, ne’ebé mak mosu problema sosial, problema polítika, problema seluk tan ne’ebé mak tuir Papa nia tenki tun urjenti ne’ebé los duni katak TL mos presiza, maibe nia sei tetu bainhira nia tempu iha mak nia bele mai. Tanba ida ne’e mak ha’u hanoin ita tenki pasiensia hein bainhira deit nia bele mai”,hateten Dom Virgílio ba GMN iha nia servisu fatin, Episkopal Dioseze Díli, Lesidere, Díli, foin lalais ne’e, hodi hatan ba preokupasaun entidade tomak nian kona ba konvite eis Prezidente Repúblika sira hanesan, Kay Rala Xanana Gusmão, José Ramos Horta, Taur Matan Ruak no atual PR, Francisco Guterres Lú OLo ne’ebé seidauk iha resposta pozitivu husi amu Papa.
Dom Virgílio hateten, kuaze konvite hotu ne’ebé mak eis PR no atual PR hato’o ba, laiha konvite ida mak Amu Papa rejeita, maibe tanba deit tempu mak seidauk to’o hodi Amu papa seidauk bele mai TL.
“Ema númeru um ba relijiaun Katóliku iha mundu ne’ebé la’os nasaun ida deit mak presiza nia, maibe kuaze nasaun hotu-hotu presiza, nia tenki tau uluk prioridade ba nasaun ne’ebé mak nesesidade duni mak hanesan fatin sira ne’ebé mak nakonu ho refujiadu, nasaun sira ne’ebé mak iha akontesimentu sosial, nasaun ne’ebé mak iha problema imigrasaun no seluk tan ne’ebé durante ne’e ita hotu hatene amu papa sempre fo liu atensaun ba refujiadu sira, tanba ne’e mak ita nia konvite sira ne’ebé durante ne’e ita nia eis PR sira no ita nia atual PR haruka ba ne’e la’os katak ita nia amu papa tolak (rejeita), maibe karik mos tempu ida ita nia amu papa sei mai, ita presiza tempu, ita la’os nunka hetan vizita, maibe pelo menus iha tinan rua nolu resin sia liu ba ne’e, ita simu ona amu papa nia vizita, entaun iha futuru ita sei iha esperansa”,Bispu Dom Virgílio hateten.
Amo Bispu Dom Virgílio, akresenta, amu Papa seidauk mai vizita TL ne’e la’os kestaun seluk, maibe tanba kestaun tempu no kestaun prioridade, tanba ne’e maske neneik no kleur Amo Papa sei mai vizita TL.Ola


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker