GMN TV Capital Familia materestu husu governu buka mate ruin 12 Novembru

Familia materestu husu governu buka mate ruin 12 Novembru

0 views

Família Materestu 12 De Novembru, husu ba Governu tenki, buka tuir nafatin ruin joven sira ne’ebé  mate iha Masakre Santa Cruz, tanba liu ona tinan 27 ,maibé ruin barak mak seidauk identifika. 

Maskre akontese tinan 27 no Timor Leste ukun an tinan 18 ona , maibé família kontinua hein hela, sira nia oan , ne’ebé lakon iha masakre 12 de Novembru.

“Hau nia alin mate iha trajedia Masakre Santa Cruz 12 de Novembru nia letratu mak hau lori mai hodi asiste komemorasaun ,tamba ohin sira nia loron ne’ebe sira dedika sira an tomak hodi selu sira isin no fakar ran ba rai doben ida ne’e, tamba ne’e hau husu ba Governu ho Estadu Timor-Leste atu kontinua buka tuir nafatin sira nia ruin hodi entrega mai ami atu halot ho dignu no tau iha fatin ne’ebe diak”, hatete familia mate restu 12 de Novembru, Dita da Costa Guterres ba Jornalista iha Santa Cruz Dili, Segunda (12/11).

Iha fatin hanesan familia mate restu, Alfeonita da Reisoção Sousa dos Santos, dehan  ninia tiu nia ruin Governu idantifika ona no entrega ona ba familia refere no halot ona.

Familia mate restu Alfeonita, mos husu ba inan aman ,maun alin sira ne’ebe nia familia mate iha trajedia masakre santa cruz hodi reza nafatin hodi husu tulun ba maromak atu bele hatudu dalan hodi rekolla ruin hirak ne’e lalais ba familia ida-idak ninia.

“Hau husu ba Timor oan hotu nia orasaun ba mate restu 12 de Novembru  atu sira nia klamar bele sae ba iha reinu lalehan ,tamba ho sira nia ran fakar hodi selu isin ho ruin ba rai doben ida ne’e to’o ohin loron Timor-Leste bele ukun an ona” Familia mate restu Alfeonita, informa.

12 de Novembru Governu Timor-Leste,  desidi ona nu'udar loron nasional joventude , tanba ne’e tinan-tinan Estadu sempre komemora ho atividade sira hanesan reflesaun , atividade desportiva no atividade seluk tan , hodi priense loron istóriku ne’e.

Tamba  liu husi trajedia 12 de Novembru mak  bele hatudu ba mundu katak , iha Timor-Leste akontese violasaun direitus humanus.

Entretantu  tuir dadus ne'ebé rekoilla husi Comite 12 Novembro , manifestante iha masakre refere hamutuk 2889, husi númeru ne’e nain 64 mate iha masakre , no hafoin independensia to’o mai tinan 2018 , sobrevivente nain 67 mak mate, no konsege rekoilla ruin 18 , no identifikadu ruin 14 entrega ona ba família, no  4 seluk  seidauk identifika.tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker