Komemorasaun ba loron 28 Novembru proklamasaun independensia Timor-Leste ba dala 43, Governu gasta rihun USD 200.
Tinan ida ne’e, Timor-Leste komemora loron proklamasaun Independénsia 28 Novembru ne’ebé mak proklama ona iha 1975 no tinan-tinan, Governu organiza komemorasaun loron istóriku Nasionál Timor nian iha Munisípiu sira iha territóriu tomak.
Maibe, tinan ida ne’e komemorasaun nivél nasionál Governu desidi la hala’o iha Munisípiu, maibé konsentra deit iha Díli, no nivel Munisipál sei hala’o husi Governu local, iha munisípiu 12 inklui Rejiaun Administrativa Espesiál Oecusi-Ambeno.
Tinan ne’e, Governu sei gasta 200 Mill dolar amerikanu, mabe, Vise Ministru Estatal nudar Komisaun Organizadora Abílio José Caetano lá esplika detalla istimasaun orsamentu ba kada munisípiu atu realiza eventu nasionál ne’e.
“Orsamentu alokadu ba tinan ida ne’e hamutuk 200 Mill deit depois sei foti tan fali ba postu munsipiu no munisipiu”,hateten, Abílio José Caetano ba Jornalista sira hafoin hasoru malu ho Prezidente Repúblika Francisco Guterres Lú Olo, iha Palasiu Prezidensiál Nicolau Lobato Bairu Pite-Dili, Sesta (23/11/2018).
Tuir ajenda antes tama ba loron 28 Novembru, iha loron 25 novembru sei hala’o feira ba públiku iha Centro Conveções de Díli-CCD no loron 27 Novembru sei hala’o Misa Asaun de Graça iha Igreja Katedral –Díli.
Entretantu, Prezidente Repúblika Francisco Guterres lú Olo, sei sai Inspetur da Seremonia iha seremonia Isar Bandeira ne’ebé realiza iha Palásiu Governu.
Enkuantu , komemorasaun loron proklamasaun tinan ida ne’e, sei la marka prezensa husi alta entidade sira. Eus
