GMN TV Capital Konaba kansela viajen PR ba rai liur, Dom Basílio: “Ita nia ropa foer ita fase iha uma laran ”

Konaba kansela viajen PR ba rai liur, Dom Basílio: “Ita nia ropa foer ita fase iha uma laran ”

0 views

Bispu Diocese Baucau Dom Basílio do Nascimento bolu atensaun ba órgaun soberanu sira no polítiku na’in sira, diverjénsia polítika interna tenke rezolve iha uma laran, la presiza nasaun hotu-hotu hatene.

Bispu Dom Basílio do Nascimento, hato’o deklarasaun ne’e ba GMN iha resintu Paroquia Santo António Baucau, relasiona ho situasaun polítika aktual ne’ebé akontese iha rai laran entre órgaun soberanu Parlamentu ne’ebé vota konta bei-beik ajenda viajen Prezidenti Repúblika Francisco Guterres Lú Olo ba rai liur hodi partisipa iha enkontru sira Xefi Estadu nian.

“Konaba desizaun Parlamentu nian ne’e, ha’u la hatene Konstituisaun ne’e koalia oinsa-oinsa, maibé buat ne’ebé mak husu mak ne’e. Ita nia ropa foer ne’e ita fase iha uma laran, lalika halo ema hotu-hotu hatene. Diferente entre ita ho ita nia orgaun de soberani ne’e di’ak mas la presiza ema hotu hatene. Ha’u la hatene, ha’u la to’o iha vingansa polítiku iha ne’ebá maibé ha’u dehan deit, ita nia hena foer ita fase iha uma laran, lalika ema seluk, ema rai liur lalika hatene. Diverjensia entre ne’e klaru iha, maibé husik iha ne’e, lalika fó sai. Ida ne’e hatun ita nia naran. Pois ita país ida foin mak hahú tan. I buat ne’e iha tetun terik karik dehan la dadi. Ho situasaun sira hanesan ne’e la dadi no la halo ita nia naran morin”, hateten Dom Basílio hafoin prezide misa santo no santa sira nian iha salaun paroquia Santo António Baucau, Diocese Baucau .

Maski nune’e maibé ho diplomásia Dom Basílio mós hateten, to’o oras ne’e dadaun seidauk hatene motivu loloos husi órgaun soberanu sira ninia desizaun sira ne’ebé sira toma.

“Ha’u to’o oras ne’e hatene deit informasaun husi meius komunikasaun sosiál, no ha’u hatene deit Parlamentu nia pozisaun no Prezidenti nia pozisaun. Tansa mak ida hola desizaun ida ne’e, tansa mak ida seluk hola desizaun ida ne’ebá. Maibé to’o oras ne’e dala ida tan ha’u seidauk haree mosu iha públiku em que órgaun soberanu sira ne’e esplika oituan konaba desizaun ne’ebé que sira hola tansa mak ida ne’e, tansa mak ida ne’ebá. Ne’ebé ida ne’e ha’u iha nakukun laran deit”, Dom Basílio esplika.

Ho aktu polítiku parlamanetu nian ne’ebé kansela bei-beik prezidenti repúblika nia viajen ba rai liur ne’e la’os deit la halo timor nia naran morin, maibé fó mós impaktu boot ba relasaun timor leste nian ho mundu internasionál.

“Fó impaktu tanba hanesan foin lalais atu ba Nasoens unidas ne’e fó impaktu, tanba iha reuniaun sira hanesan ne’e, Xefe Estadu sira mundu nian partisipa hotu, maibé husi ita nian mak la ba, entaun ida ne’e diretamente fó impaktu. Maibé ida ne’e desizaun parlamentu nian, maibé hanesan sidadaun ida ne’ebé hakarak hateten deit katak, buat ida halo timor nia naran la morin ne’e, ladi’ak ba ita hotu ”, Dom Basílio fundamenta.

Antes ne’e Parlamentu Nasionál ejerse ona nia direitu votu hodi kansela ajenda viajen Prezidenti Repúblika nian ba rai liur ne’ebé atu partisipa iha reuniaun sira Xefe Estadu nian, hanesan atu ba Estadus unidus Amérika, ba Portugal no mós ba Indonézia.

Razaun Parlamentu nian hodi kansela viajen Prezidente Repúblika tanba Parlamentu hakarak Prezidente Repúblika rezolve uluk situasaun polítika interna Timor Leste.ixo


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker