GMN TV Capital Kontribuisaun Saudozu L4, PR hasai dekretu Prezidente halot iha Jardim dos Herois Metinaro

Kontribuisaun Saudozu L4, PR hasai dekretu Prezidente halot iha Jardim dos Herois Metinaro

0 views

Prezidente Repúblika (PR), Francisco Guterres Lú Olo, hasai Dekretu Prezidente hakoi mate isin Veteranu e Eis Sekretáriu Estadu Assuntu Veteranu, Andre da Costa Belo  ‘L4’ iha Jardim dos Herois iha Metinaro. Dekretu Prezidente neé haree ba kontribuisaun husi saudozu Andre da Costa Belo ‘L4’, iha luta libertasaun nasionál.

Prezidente Repúblika (PR), Francisco Guterres Lú Olo, presta omenajen ba Saudozu Andre da Costa Belo ‘L4’ no hato’o sentidu kondolénsia ba família enlutada iha nia uma-fatin, Fatuhada Dili.

 Andre da Costa Belo ‘L4’, mate ho idade 59, nu’udar gerilleiru FALINTIL to’o miiltár Indonézia kaptura nia iha tinan-1981 iha Operasaun Serku no Anikilamentu iha Aitana, parte Viqueque nian. Ho kapturasaun obriga L4 moris iha zona okupadas no hahú nia atividade klandestina. Andre da Costa Belo sai responsavel prinsipál ida habelar organizasaun Sagrada Família iha zona okupadas. Sagrada Família nu’udar organizasaun rezisténsia ne’ebé harii husi komandu FALINTIL ho objetivu atu fó apoiu ba rezisténsia armada.

Hafoin Timor-Leste hetan nia independénsia, L4 kontinua nia estudu Relasaun Internasionál iha Universidade Dili. Andre da Costa Belo nu’udar fundadór ida ba Partidu Libertasaun Popular no partisipa iha VII Governu Konstitusionál nu’udar Sekretáriu Estadu ba Veteranus. Andre da Costa Belo ‘L4’ asume kargu Vise Reitor III ba asuntu estudantil iha Universidade Dili.

Eis Sekretáriu Estadu Assuntu Veteranu, Andre da Costa  Belo ‘L4’ hakotu iss iha loron Sábadu semana kotuk  husik hela kaben no oan nain haat (4).

Saudozu L4 iha mundu ho prinsipiu ida katak, pratika mak kriteriu ba lia los. Prinsipiu ida neé konjuga ho ninia karakter, pasiensia, umanidade, onestidade no karidad. Laos neé deit, maibe hanesan mos inspirador no motivador.

Saudozu L4 oan ba daruak husi maun alin nain lima neé moris iha loron 12 fulan Maiu tinan 1957, iha Aldeia Lau-Da’e, Suku atelari, Postu Administrativu Laga, Munisipiu Baucau.

Antes lori saudozu ba iha fatin deskansa ikus nian iha Jardim dos herois Metinaro,  mate isin saudozu  Andre da Costa  Belo ‘L4’ lori  ba Comite Central FRETILIN (CCF), simu direta husi Sekertariu Jeral FRETILIN, Mari Alkatiri ho estrutura presta omenajen ikus.

Hafoin sai husi CCF kontinua kedas ba Igreja Katedrál, hodi hala’o missa funerál neébe prezide husi Padre, Leandro Maria Alves, no partisipa husi veteranus, kolega no familia.

Nuneé mos hafoin missa kontinua lori mate isin saudozu L4 ba vizita Ministeriu Soslidaridade Sosial (MSS) no kontinua ba Sede Komite 12 Novembru, Universidade Dili (UNDIL), no ikus liu Sede Partidu Libertasaun Popular (PLP) iha Metiaut, no kontinua lori saudozu ba Jardim dos Herois Metinaro hodi halaó serimonia funerál.

Padre Leandro Alves iha homilia hateten, mistériu mate ne’e ema senti deit ho matawen no laran taridu ba ema neébe lakon ona iha sira nia leet.

“Maibe uma kreda sempre halo  ita hamutuk nafatin katak, Jesus hamutuk nafatin ho ita no la husik ita mesak,” haklaken Padre  Leandro Alves. Bal


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker