Veteranu no Eis Sekretáriu Estadu Assuntu Veteranu iha VII Governu Konstitusional, Andre da Costa ‘L4’, Segunda (12/11/2018) hakotu ona iis hodi husik mundu, iha oras 11:00 Otl, iha nia rezidensia Fatuhada, Díli.
Tuir informasaun husi reprezentante familian Cornlio da Conceição Gama ‘L-7’ ba GMN liu husi via telefone hateten, durante ne’e saudozu Andre da Costa ‘L4’ hala’o ona tratamentu médiku iha Hospital Nasional Guido Valadares (HNGV), Bali-Indonézia, Singapura, atu bele salva ba moras ne’ebe mak iha.
Iha loron Kuarta (14/11) sei lori mate isin saudozu Andre da Costa ‘L4’ ba iha Comite Central FRETILIN (CCF), kontinua lori ba Igreja, Parlamentu Nasional (PN) nudar loron ikus homenajen ba saudozu, no ba dala ikus hala’o seromonia funeral iha Jardim dos Herois Metinaro Díli.
L-7 hateten, mate isin saudozu Andre sei la lori ba nia moris fatin Laga, Baucau, tanba kondisaun mate isin la permite.
Saudozu L4 nudar koordenador Jeral Organizasaun Resistensia SAGRADA FAMILIA. Organisasaun resistensia nebe Funda husi Cornelio Gama L7 hodi organiza no mobiliza povu Timor Leste hodi luta ba ukun rasik an. Bal
