Fundadór Organizasaun Sagrada Família, Cornélio Gama “L-7”, hateten, jerasaun foun sira tenke respeita no konsidera, Xanana Gusmão, Ramos Horta, Lu Ólo, Lere Anan Timur, Taur Matan Ruak no Marí Alkatiri nu’udar patrimóniu Estadu.
Tanba, tuir eis gerilleiru ne’e, diferénsia ideia ne’ebé mosu entre líder istóriku sira, jerasaun foun iha responsabilidade moral atu fó opiniaun, maibé la’ós insulta ho liafuan la edukativu hasoru líder antigu sira.
“Liafuan ida ha’u hateten, joven sira tempu imi nian ona, oinsá mak imi bele lori nasaun ne’e progresu ne’e ba oin. Ne’e imi nia jaman, ne’ebé ha’u husu ba oan sira labele tanba ida problemátika ida ne’e husik tiha ba, problema 24 anus hotu tiha ona. Ne’ebé husu imi foinsa’e, agora dau-daun 76 anus, tanba imi foinsa’e hamutuk imi bele lori nasaun ne’e ba oin, ne’ebé ha’u husu ba joven sira, organizasaun hotu-hotu ita-nia fiar mak ne’e, Xanana, Taur, Lere, Lú, Marí, Ramos Horta ne’e patrimónia, problema sira nian, ita labele kahur ita-nia kanuru tohar, tanba ne’e eransa funu nian”, Fundadór Organizasaun Sagrada Família hato’o apelu ne’e hafoin abertura ba semináriu ho tema “Transmite Espíritu 12 Novembru ba Joven Sira Iha Faze Libertasaun Povu”, hodi komemora loron masakre Santa Cruz, ba dala XXIX iha salaun Xanana Sport Center, Kampu Demokrasia-Díli, Tersa (10/11/2020).
Atuál deputadu Parlamentu Nasionál (PN) ne’e haktuir, iha tempu ukun rasik-an juventude la’ós ona sai autór ba konflitu, maibé juventude tenke sai autór ba dezenvolvimentu nasionál. san
