GMN TV Capital Tanki bee-moos ba área Becora nakonu ho tahu

Tanki bee-moos ba área Becora nakonu ho tahu

97 views

Tanke rezervatóriu bee-moos iha Benamau nakonu ho tahu, hafoin udan-boot iha Segunda (15/11)

Tanki bee-moos iha área Benamau ne’ebé utiliza fornese bee-moos ba komunidade iha Becora, nakonu ho tahu ne’ebé kauza hosi udan-boot ne’ebé akontese iha Sábadu foin lalais ne’e. Tanba ne’e, komunidade iha Becora provizoriamente labele asesa bee-moos.

Tékniku Operasionál Bee Timor-Leste, Empreza Públika (BTL.EP), Augosto Ataide informa, seidauk bele determina tempu bainhira mak bele fornese hikas bee-moos ba komunidade, tanba tékniku operasionál sei hamos tanki rezervatóriu, koagulasaun no tanki sedimentasaun unidade B ne’ebé nakonu deit ho tahu.

Akontesimentu tahu tama to’o tanki koagulasaun ne’e, tanba la konsege taka iha kanu ne’ebé simu bee hosi fatin distribuisaun.

“WTP Benomauk nian, foin lalais ne’e udan-bo’ot, tanba ami ho servisu seluk to’o mai tarde oituan, entaun tahu ho bee-merak tama hotu ba laran, ami la konsege salva, hosi ne’e kedan ami nia superior hatun orientasaun, hodi ami hasai tahu no buat fo’er sira ne’ebé tama to’o ohin loron ne’e. Ida ne’e impaktu hosi bee-mota hun, tanba ne’e mak halo ai-than ho tahu sira ne’e tama liu mai, ami la konsege salva bee-moos ne’e,” informa Tékniku Operasionál BTL.EP, Augosto Ataide ba JNDiário Segunda (15/11).

No ekipa sira servisu hodi hamos tratamentu tanki ninian, hodi tau ai-moruk iha laran. Tanki rezervatóriu ne’e iha ona kotak rua mak moos tiha ona, hela rua mak seidauk moos, no ekipa hamos durante loron rua ona.

“Ami labele promete dehan ohin ou aban, tanba ami sei halo servisu ne’e, tanba tahu barak tebes, i tanki rezervatóriu ba distribuisaun nian ne’e, ida de’it, ami labele fornese ba, ita hein hamutuk ho ida ne’e moos ba foin fornese ba, laiha tan fatin seluk ita atu halo fornesimentu ba komunidade sira” tenik.

Problema hanesan akontese mós iha sentrál bee-moos Tohumeta no bomba bee-moos iha estasaun Comoro D mós avaria.

Enkuantu, estasaun bee-moos iha Sentrál Bairo-Pité ho Manleuana mós provizoriamente seidauk bele fornese bee-moos, tanba kanu transmisaun 10 inch kotu, impaktu hosi udan bo’ot ne’ebé akontese iha Sábadu semana kotuk.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker