Aeroportu Internasional Nicolau Lobato Comoro, hafoin akontese udan-boot iha Segunda (15/11/2021)
Hafoin udan-boot iha Segunda (15/11) ne’e kuaze oras tolu nia laran iha kapitál Díli, mosu mós inundasaun ne’ebé nato’on iha área Aerportu Internasionál Nicolau Lobato, Comoro-Díli, hodi prezudika movimentu transporte aereo nian tula pasajeiru.
Ho situasaun klimátika neébé iha, impede mós atividade aerea nian, tanba udan no kalohan nakukun halo aviaun tenke hein minutu balu, hafoin kontinua hala’o viajen.
Husi udan-boot ne’e, rezulta mós barajen diresaun tasi ibun, iha Palásiu Governu nia oin naksobu. Tuir observasaun GMN, udan-boot ne’ebé besik oras 3, la rejulta uma estragu, no ema mate iha munisípiu Díli.
Dalan iha areadór Palásio do Governo Díli nia oin,hafoin akontese udan iha Segunda (15/11/2021)
Previzaun tempu husi Diresaun Nasionál Meteorolojia no Geofízika Timor-Leste (DNMG) alerta, poténsia ba udan (fraku to’o forte) kuaze iha munisípiu hotu. Tanba ne’e DNMG alerta atensaun, ba munisípiu Díli, Liquiça, Aileu, Manatuto, Covalima, Viqueque, RAEOA no Postu Administrativu Ataúro. No atensaun espesiál ba munisípiu sira hanesan, Lautém, Baucau, Bobonaro, Ermera, Manufahi no Ainaro.Tos
