GMN TV Capital Dom Basílio: Ukun na’in nia polítiku hanesan labarik sira halimar teatru

Dom Basílio: Ukun na’in nia polítiku hanesan labarik sira halimar teatru

0 views

Bispu Dioseze Baucau, Dom Basílio do Nascimento, konsidera povu aileba sira koalia polítika matenek liu fali ukun nain sira, tanba ukun nain sira halo teatru hanesan fali labarik kiikoan mak barak.

“Semana hirak liu ba ha’u akompaña media kona ba situasaun polítika rai laran, maibe ha’u haree katuas balun  halo fali teatru hanesan labarik kiikoan. Ha’u la’os ema ne’ebé hakerek konstituisaun, maibe ha’u le deit, maibe la dehan se governu mais votadu  monu bele fo fali ba segundu votadu ida ne’e laiha, mas prontu ita hein deit desizaun saida mak Prezidenti Republika atu foti,”Dom Basílio do Nascimento, hato’o lia hirak ne’e ba GMN iha nia rezidensia, Baucau Tersa (5/12/2017), relasiona ho tensaun polítika rai laran ne’ebé to’o agora laiha serteza.

Amu Bispu haktuir, nia parte baruk ona koalia kona ba situasaun polítika rai laran, ne’ebé atu la’o, la la’o, no marka pasu deit iha fatin.

“Ha’u hein deit katak buat ne’e tuir mekanizmu konstituisaun nian,  kuandu laiha ona dalan, desizaun final sei  mai husi prezidenti Repúblika,”dehan Dom Basilio.

Tuir Dom Basilio, dadauk ne’e entidade hotu hatene katak diak liu polítika nain sira tur hamutuk hodi  rezolve situasaun polítika rai laran hodi labele halo povu sai  terus fali.

“Ha’u akompaña dialogu ne’ebé  hala’o iha Singapura, depois ha’u lahatene  konsekuensia ne’e mak ida ne’ebé no tuir mai mak ida ne’ebé? buat hotu-hotu ne’ebé hala’o ho dialogu ne’e ita basa liman, maibe buat hotu agora ne’e afetadu hela, la’os  Governu deit maibe vida ba politika administrasaun nian mos paradu hotu, hein katak  butir ida karik buka lalais sapa rolhas atu hasai lalais butir nia matan hodi be’e ne’e bele suli lalais,”esklarese Dom Basilio.

Entretantu Madre Alice de Sousa, promete sempre reza ba VII Governu atu bele hala’o knaar tuir konstituisaun ne’ebé mak iha. Alen reza ba VII Governu, Madre ne’e mós promete sei reza ba entidade hotu iha teriotoriu nasional atu bele mantein paz no estabilidade.

“Ami Madre Canosiana, Baucau promete sempre reza ba ukun  nain sira iha ita nia rain, atu nune’e bele ho ulun malirin rezolve poblema hotu ne’ebé mak  dadauk ne’e mosu iha ita-nia rain,”hatete Madre Alice de Sousa.Ola


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker