GMN TV Capital Misa semana dahuluk tempu adventu, Padre Emanuel husu kompañia nain selu traballador ho justu

Misa semana dahuluk tempu adventu, Padre Emanuel husu kompañia nain selu traballador ho justu

Foto husi Facebook

Padre Paroquia, São José Operário Aimutin, Emanuel Lelo Talo, husu na’in ba kompañia sira atu halo reflesaun ba sira nia-an, hodi hanoin atu selu traballador sira ho justu, bainhira sira tama servisu tuir kontratu.

Padre Emanuel Lelo Talo, hato’o lia hirak ne’e iha nia omília bainhira prezidi misa semana dahuluk tempu adventu iha Igreja São José Operario Aimutin Comoro, Díli, Domingo (2/12/2018).

Padre Emanuel Lelo Talo, hatutan, kompañia hotu iha Timor-Leste iha obrigasaun atu selu nia traballador sira ho justu,  bainhira traballador sira hala’o ona sira nia kna’ar ho diak,  tanba traballador ho emprezáriu ne’e la’os ema ne’ebé diferente, maibé kna’ar mak lahanesan.

 “Agora ita tama ba primeira semana tempu adventu, tempu ne’ebé mak  ita hotu hein ho prepara aan, la’os prepra festa no prepara roupa foun de’it, maibé prepara ita nia fuan, tanba Jesus Kristu nia moris mai iha mundu ne’e, la’os atu lori de’it dame mai, maibé mós lori justisa. Justisa katak saida, justisa katak, tenki hasai liafuan ne’ebé los, labele akuja ema seim iha faktus, tenki selu traballador ho los no justisa, tanba dala barak no realidade moris ne’ebé mak ita hasoru iha ita nia vida moris loron-loron nian, patraun balun ou kompañia nain balun selu nia traballador lalos, maske nia servisu dader to’o fali kalan, tanba de’it dehan nia servisu buru kasar, entaun selu de’it saláriu USD 115, aat liu tan nia servisu tinan barak ho dedikasaun tomak, saláriu nunka aumenta ida ne’e in justisa”,hateten Padre Emanuel Lelo Talo,

Tuir Padre  Emanuel katak, laiha servisu hotu iha mundu ne’ebé mak ema ida de’it bele halo, maibé presiza ema seluk, tanba liu husi ema seluk nia apoiu mak servisu hotu ne’ebé todan bele kamaan, no difisil bele sai fasil.

Tanba ne’e, Padre Emanuel dehan, kompañia nain ho traballador sira tenki konsidera malu, hodi fó no simu saida mak ida-ida nia direitu.

 “Dala barak ha’u haree no rona, Xina sira mai fa’an sasan iha ne’e, sira fó servisu ba ita-nia ema ne’e di’ak los ona, maibé saida mak akontese, dala ruma sira loron deskansa lahatene, loron bo’ot sira servisu nune’e deit, maske nune’e sira servisu nafatin tanba laiha servisu duni, mas lolos nu’udar sarani ou ema ne’ebé mak komprende, tenki hatene nia ema ne’ebé presiza deskansa, karik nia servisu iha loron bo’ot, nia tenki simu nia osan ba ida ne’e mos”, lamenta Padre Emanuel.

Tanba ne’e, Padre Emanuel dehan,  tempu agora ita ko’alia kona ba ema hotu nia hanoin atu halo tuir buat sira ne’e, hodi preparadu duni atu simu Jesus Kristu Nai Salvador.

 “Sinal Jesus nian atu moris mai mundu hahú mosu mai dadauk ona, sinal mak saida? sinal mak hahú rai nakdoko, udan komesa monu rai, ai horis sira hahú moris dadauk, rai no foho komesa buras ona, idane’e mak sinal sira ne’ebé mak ita tenki hatene,”Padre Emanuel hateten.

Misa Domingo dahuluk ne’e ho tema, “Ita Nia Nai Jesus Mai Atu Solide ho Ita”, no hetan partisipasaun másimu husi sarani Katóliku sira ne’ebé mak pertensie ba Paroquia São José Operario Aimutin.Ola


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker