GMN TV Capital Ahi han Nelio Restaurante

Ahi han Nelio Restaurante

0 views

Ahi han Nelio Restaurante iha Metiaut, iha Segunda (23/12) iha tuku 11 dadersan. Maske la resulta ema kanek ka mate, maibe sasan no dokumentu importante iha restaurante laran ahi han motuk.

Responsavel Nélio Restaurante, Celestino Manuel Ximenes,  insendiu ne’e, deskonfia mai husi sirkuitu elétrika ho lilin ne’ebé sunu iha ortóriu laran.

“Automatikamente ema hotu-hotu triste, normalmente ema hotu- hotu wainhira lakon buat ruma tenki triste, mais ida ne’e mak akontese ka lae. Ita tenki simu realidade ne’ebé mak mosu, labele ita obriga ita nia an, ita dudu ba mós, buat ne’e akontesimentu ida ne’e mak la’o. Tanba restorante ne’e, Jaleira ho sasan buat maioria no sasan barak, tanba ita bo’ot sira hatene ne’e fatin ida be ema aluga kuaze, bikan kanuru, sasan dapur ninian deit ne’e kuaze ninia folin ne’e 20 mil dollar e tál mak estragus”, dehan Responsavel Nélio Restaurante.

Akontesimentu, ekipa Bombeirus Munisípiu Díli alokedas atuasaun hodi halo prevensaun, no salva mós Restaurante rua ne’ebé besik malu ho Nelio Restaurante.

Komandante Korpu Bombeiru Munisípiu Díli, Fernando da Costa haktuir, Bombeirus la konsege salva Nélio Restaurante, tanba la’os simu informasaun tarde, maibé tarde iha engarafamentu (macet-red).

 “Ohin insendiu iha restaurante ne’e ida ne’e, quer dizer ohin ami simu informasaun husi via estafeta, quer dizer que señor ida ho motorizada ida direita tama iha ami nia office, husu apoiu dehan ahin han iha Nélio Restaurante, ho oras tuku 10 liu minutu balun, entaun hato’o iha ne’ebá ami simu direita ami sai kedas ho ami nia ekipa Bombeirus ne’e, junta kedas ho ekipa Bombeirus intervensaun nian iha Caicoli no Comoro mós fó apoiu grupu rua mak mai halo intervensaun iha insendiu ida ne’e. Kerdizer ke ahi han kedas iha klaran, entaun ami tenki salva nia ninin-ninin”dehan Fernando da Costa.

Nia dehan ekipa Bombeirus tenki rega sorin ninin atu salva restaurant rua seluk iha sorin para labele daet tan.

 “Ami tenki salva sira sorin para labele da’et tan, halai ba demora witoan ne’e, kerdizer ke ita hatetne ita nia movimentasaun ho loron boot ne’e, ita tenki haree estrada sira ne’e macet, maibé ita nia maluk sira komprende witoan ona, tanba wainhira alarme kuandu lian sira komesa loke dalan” dehan Komandante Korpu Bombeiru Munisípiu Díli. GMN


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker