GMN TV Capital Igreja disponivel sai membru KKKV

Igreja disponivel sai membru KKKV

0 views

Arche Bispo Dioceze Díli, Dom Virgílio do Carmo da Silva, SDB hatete, igreja katólika disponivel sai membru Konsellu Konsultivu ba Konsellu Veteranu (KKKV), maibé veteranu sira tenke iha prosedur hodi aprezenta ba uma kreda, liuhosi konferensia epikopal, nune’e Bispo sira bele foti desizaun posivel ou lae uma kreda sai membru KKKV.
“Veteranu sira livre atu manifesta sira nia hakarak, hodi hili se deit mak atu sai membru konsellu konsultivu ba veteranu, maibé koalia kona-ba uma kreda, ida ne’e uma kreda mos iha estrutura rasik”, afirma Arche Bispo Dioceze Díli, Dom Vírgilio do Carmo da Silva, SDB, ba JN-Diário domingo (22/12/2019) iha Maloa Ailok-Laran Díli.
Arche Bispo Dioceze Díli haktuir, deklarasaun husi veteranu sira hakarak uma kreda sai membru konselhu konsultivu, maibe tenke aprezenta prosedur ida.
“Maske oras ne’e igreja, seidauk simu informasaun ofisial ruma husi konsellu veteranus kona-ba uma kreda atu sai membru konsellu konsultivu ba konsellu veteranus, maibé uma kreda hein no husu atu konsellu veteranu aprezenta uluk prosedur, nune’e igreja bele deside Bispo ou Amu lulik ida reprezenta uma kreda sai membru KKKV,” afirma Dom Vírgilio do Carmo da Silva, SDB.
Lider Dioceze Díli subliña, iha instituisaun governu no instituisaun naun governamental ne’ebé eziste iha ita nia rai mos husu igreja sai membru konsultivu, tanba ne’e ida ne’e laos foun ba igreja atu sai membru konsultivu, maibé importante mak sira aprezenta uluk prosedur ba iha uma kreda hodi hare nia natureza hafoin bele deside.
“Hanesan ha’u dehan iha instituisaun no ONG lubuk ida ne’ebé husu Bispo no Amu lulik ida atu reprezenta uma kreda hodi fó uma kreda nian iha ne’eba, tanba ida ne’e la’os koalia kona-ba asuntu polítika, maibé koalia liafuan konsultivu, ne’ebé signifika igreja atu fó deit hanoin saida mak igreja bele halo bainhira instituisaun ruma atu foti desizaun,”tenik Dom Virgílio. Fel


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker