GMN TV Capital MAE sei implementa programa “resíduos sólidos urbanos” iha 2020

MAE sei implementa programa “resíduos sólidos urbanos” iha 2020

0 views

Ministériu Administrasaun Estatal (MAE) liu husi Autoridade Munisípiu Díli sei implementa projetu programa “Resíduos Sólidos Urbanos” iha tinan 2020, no orsamentu ba projetu refere mai husi fundu infra-estrutura ho montante  millaun USD 2.

“Liu husi semináriu ne’e, atu halibur setór relevante sira hodi fó hanoin ba malu ba iha implementasaun programa resíduos sólidos urbanos,”dehan Diretór Nasionál Organizasaun Urbanu,” Hermenio Moniz Ribeiro, ba Jornalista sira Sesta (13/12/2019) iha salaun CNE, Kolmera, Díli.

Diretór Nasionál haktuir, tratamentu lixu iha kapitál Díli liu-liu iha área urbana seidauk masimu tanba ne’e liu husi projetu ne’ebé atu implementa iha tinan 2020, bele iha mekanismu ne’ebé diak liu husi halo jestaun ba lixu iha kapital Díli bele diak liu tan.

“Ha’u hanoin ida ne’e jestaun orsamentu, ne’ebé ita presiza hadia hodi melhora liu tan lixu iha kapital Díli no iha fundus infra-estrutura ami tau ona orsamentu hamutuk millaun USD 18.5 ba iha tinan 2019, maibé karik projetu ne’e implementa iha tinan 2020 mak sei aloka orsamentu miliaun USD 2,”aifrma Hermenio Moniz Ribeiro.

Nia haktuir, tuir peskiza ne’ebé iha haree katak, lixu ne’ebé namkari la’os deit iha fatin ida maibé iha fatin-fatin tanba kauza husi komunidade ne’ebé laiha konsiensia hodi soe foer arbiru, no lixu ne’ebé namkari mai ho tipu lixu oi-oin hanesan plastiku garafa no seluk tan.

Ministru Interinu Administrasaun Estatal, Abílio Caetano, hatete, implementasaun projetu residous solidus urbanu, sei benefisia inisialmente ba área ne’ebé limitadu iha Munisípiu Díli inklui Munisípiu sira.

“Ha’u iha konfiansa katak, ho implementasaun  jestaun resíduos sólidos urbanos ne’ebé sei introdus iha sidade Díli, sei lori benefisiu boot ba saude bem estar no kualidade moris populasaun iha Timor-Leste,”afirma Ministru Interino Administrasaun Estatal.

Abílio Caetano subliña, bainhira koalia kona-ba jestaun residous solidus urbanu, sai  hanesan asuntu ida estramamente importante ba futuru sidadaun, no koletivamente konaba kestaun  sutentabilidade ekonomika ambiental ba ita nia Nasaun.

“Governu aprova ona rezolusaun governu númeru 6/2019 loron 6 fulan Fevereiru, ne’ebé nia objetivu atu redus utilizasaun no konsumu produtu plástiku ba utilizasaun úniku ou deskatavel iha administrasaun públiku,”tenik nia. Fel


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker