Asosiasaun HAK husu ba Komisaun Anti Korupsaun (KAK) no Ministériu Públiku atu investiga lalais autór sira ba kazu Ró Haksolok. Tanba konsidera, autór ba kazu ne’e halakon ona orsamentu Estadu millaun USD 13, maibé to’o agora rezultadu laiha.
Relasiona kazu Ró Haksolok ne’e Diretór Assosiasaun HAK Manuel Monteiro, hateten, osan hirak ne’ebé gasta ba konstroi Ró Haksolok ne’e, nia montante bo’ot tebes, tanba ne’e presiza seriedade husi Instituisaun Kompetente hodi buka tuir autór sira hodi prosesa tuir lei ne’ebé iha.
“KAK tenke asume reponsabilidade atu buka tuir patrimóniu estadu ninia ne’e ba para iha ne’ebé nia paradeiru ne’e iha ne’ebé ne’e estadu gasta osan boot ba halo konstrusaun ró ne’e ami rasik la hetan informasaun serteza kona ba ró ne’e se maka kontrata se governu karik asina kontratu ho kompañia ne’e sé…?i ema ne’e mak lolos tenki responsabeliza ka fo esplikasaun ba ita hotu katak,final ema ne’e mak halo kontrata ho kompañia i depois too problema hanesan ne’e, lolos komisaun anti korupsaun tenki bolu ema ne’e ba halo investigasaun klean hodi hatene ró haksolok ne’e nia prosesu too iha ne’ebé,tanba sa maka tenki halo invetsigasaun tanba prosesu halo ró ne’e deit mos prejuizu ba estadu, estdau lakon tiha ona osan lubuk boot ida hodi ba halo ró ne’ e se osan ne’e la ba halo ró karik ita investe ba agrikultura bele produz hahan hirak ne’ebé saudavel ba ita han i depois bele halo vida ekonomiku seluk tan”Hatete Manuel Ba GMN Iha Farol, Kuarta (18/12/2019)
Iha Parte Seluk Adjuntu Interinu Diretur Programa Monitorizasaun Sistema Judisial Ka Jsmp Hatete Maske Lei Anti Korupsaun Seidauk Bele Aprova Husi Parlamentu Nasional Maibe Durante Ne’e Kak Hala’o Ona Nia Servisu Liu Husi Identifika Autor Sira Kona Ba Kazu Koprupsaun.
“Lei anti korupsaun ne’ebé agora dadun iha parlamentu nasional sira diskute ona mais ou menus iha artigu 21 hanesan ne’e esbosu lei ida ne’e se la sala iha atus liu artigu entaun iha buat balun ita bele kleur maibe kualidade durante tinan barak lei ne’e iha maibe la diskute atu dehan deit katak lei ida ne’e importante maske ita iha kodiku penal no kazu barak ne’ebé kategori natureza korupsaun maibe lei ida ne’e espesifiku liu klaru liu,” dehan,
Durante ne’e KAK servisu ona maibe ho prezensa lei ida ne’e bele ajuda hanesan buat ida karik fo nihan liu tan ba iha kak lalos dehan antes ne’e laiha maibe iha kodiku penal maibe diak.presiza iha tan lei espesifiku ida atu haforsa liu tan servisu kak nian iha area kombate korupsaun nian.GMN
