PNTL garante seguransa tomada de posse Presidente Republika eleitu

Polisia Nasional Timor Leste (PNTL), Munisipiu Dili, sei garante seguransa diak liu ba seremonia tomada de pose , Prezidente Repúblika, eleitu Francisco Guterres ‘Lu-Olo’, ne’ebé tuir planu sei halo iha loron  19 fulan Maio tinan 2017 iha Tasi tolu, Dili.

“Ami simu  ona informasaun verval  husi Komando Jeral,  tanba komando jeral tuir ona enkontru a nivel nasional  ne’e duni hahu kedas semana oin ami garante ona seguransa iha tasitolu para ekipa tekniku sira bele la’o ho diak liu no ami sei garante diak liu tan seguransa iha seremonia ne’e tomada de pose to’o 20 Maio ,seremonia loron ho diak,”esplika  Adjuntu Komandante PNTL, Dili, Superintendente Assistente, Euclides Belo, ba jornalista sira Sesta (21/04/2017), iha Kuartel Polisia Caicoli Dili.

 Nia hatutan iha seremonia   tomada de pose, PR eleitu ne’e,  ne’e tuir planu Komando PNT Munisipiu Dili  sei koloka membrus 260 ba iha Tasitolu no iha hotel sira  ne’ebé mak bainaka estranjeiru sira  atu diskansa no rute sira ne’ebé mak sei tuliza hodi liu ba mai.

“Numeru 260 mak ha’u temi  ne’e atu garante seguransa fiziku ba seremonia  tomada de pose Prezidente eleitu no seguransa iha hotel no Transitu seguransa  roda viaria  no serbisu kooordenadu ho unidade Espeial no forsa armada, F-FDTL,”hateten Euclides Belo.avi