Sim card telefone la rejistradu, sei desativa

Direktur Tecnico Autoridade Nacional Comunicasoins (ANC) , João Olivio Freitas hateten, sim card telefoni ne’ebé mak konsumedores sira uza tenki rejistadu, se lae des ativadu hotu.

“Ami koordena ho opeardor tolu ne’e atu implementa no ninia data ne’e to’o iha Dezembru 2017, maibe to’o iha Dezembru hakarak ka lakohi  kartaun sim hotu mak ijisti iha Timor tenki-ser rejistradu, se kartaun sira la rejistu iha sistema,  des ativadu  hotu kedas,”João Olivio Freitas, ba  jornalista sira, Tersa (25/04/2017),  iha Kuartel Jeral PNTL, Dili.

Nia hatutan, operador sira  husi Timor Telcom, Telcomcel no Telemor konkorda ho desizaun ANC ninan kona ba sosa sim card tenki rejistu.

“Husi autoridade espera katak, fim de Dezembro 2017,  buat hotu sei la’o normal, nune’e ema uza ita  bele hatene sira ninia identidade, liu husi kartaun eleitoral ka bilite idintidade, wainhira ita bo’ot rejistadu ona, entaun ita bo’ot telefoni mai ha’u dehan, se mak telefoni, se iha kazu krimi ruma ne’ebé ita bo’ot halo liu husi utulijasaun sim card ne’e, fasil baa mi atu hetan informasaun, se no hela iha ne’ebé,”hateten  João Olivio Freitas.

 Nia hatutan, ba ema  ida ne’ebé mak atu kaer sim card tenki iha lima masimu mak iha nen de’it bazeia ba gia  ne’ebé mak ANC dezenvolve.

“Ne’ebé se karik  ita sosa sim card   iha nen husi  Telcomcel,  ita bo’ot labele sosa tan sim card husi  TT  ka Telemor, mas ita bo’’ot sira husu oinsa mak ita bele hatene, ami sei uza sistema atu asegura ida ne’e,”hateten   João Olivio Freitas.

 Nia dehan, ba labarik  kikoan sira tinan 16 to’o ba 18 hakarak iha kartaun sim bele ba rejista, maibe tenki uza inan ho aman naran nudar responsabilidade ne’e naran ne’ebé mak rejista ona iha sistema iha operador tolu. avi