GPM TRAVA PROPOSTA PROJETU 40

Koordenador Unidade Apoiu Sosiedade Sivil Gabinete Primeiru Ministru (GPM), Joaquim Freitas, hatete  iha tinan 2017 ne’e sira trava proposta projetu 40 husi organizasaun sosiedade sivil, tamba  lá priense kriteria.

“Proposta projetu ne’ebé mak hatama iha Unidade Apoiu Sosiedade Sivil  Gabinete Primeiru Ministru hamutuk 100 resin husi númeru ne’e hodi ba prosesu selesaun 40 mak la liu no balun liu, maibé  ninia performa implemntasaun iha tinan kotuk ami kansela” hatete  Koordenador Unidade Apoiu Sosiedade Sivil Gabinete Primeiru Ministru Joaquim Freitas, ba Jornalista sira iha edifisiu Yayasan HAK Palapasu Kuarta (16/8) horseik. Joaquim Freitas hatutan, GPM iha kriteria hatete katak ba sira ne’ebé mak  ninia proposta liu selesaun  Unidade Apoiu Sosiedade Sivil sei kontaktu hodi ba asina momerandum intendementu maibe ba sira nebe lalaiu sei lahetan kontaktu no dokumentu nebe hatama ona sel fó fila. Nia dehan tan GPM mos iha rekezitus nebe Sosiendade Sivil sira tenki priense mak  sosiedade sivil sira nebe liu hodi kaer projetu ne’e tenki hatama relatóriu organizasaun tamba lahatam relatoriu sei hetan backlis. Koordenador Unidade Apoiu Sosiedade ne’e, esplika iha tinan ida ne’e alokasaun orsamentu ba iha Unidade Apoiu Sosiedade Sivil Gabinete Primeiru Ministru hamutuk US$ 4 milaun. Husi orsamentu US$ 4 Milaun ne’e US$ 2 Milaun resin aloka ba kontinuasaun projetu  salaun Paroquial Katedral Dili, Igreja Becora, Aimutin no Igreja Zumalai, Munisipiu Covalima. Orsamentu balu fo apoiu ba projetu sira sosiu edukativu ne’ebé halai liu ba treinamentu formasaun, edukasaun sivika, dezenvolvimentu sustentavel integradu  ne’ebé liga ba NGO hirak ne’ebé mak toma ba setór  agrikultura hodi kuda ai, hakiak fahi, karau, bibi no manu. Koordenador  Unidade Apoiu Sosiedade ne’e afirma  iha montante balun mós  bele fó apoiu ba organizasaun sira atu  halo reforsa instituisaun ne’ebé kompostu husi formasaun, treinamentu,seminariu no kongresu sira. Nia dehan tan, Orsamentu sira ne’e mos balu aloka ba konferensia  Comunidade País Lingua Português (CPLP) ,Forum  Sosiedade Sivil no Asia People Forum. “Ami nia kna’ar mak kontinua halo monitorizaun ,halo abertura atividade, no mós halo monitorizasaun ba rezultadu implementasaun projetu ho esperansa ida ne’ebé mak hetan apoiu bele hala’o didiak”nia dehan.tos