LEI KANONIKA LA ADMITI KAZAMENTU KONTRATADU

Bispu Diocese Díli, Mgr. Virgílio do Carmo da Silva hateten, lei kanonika la admiti kazamentu kontratadu.

“Kazamentu mistu ne’e refere ba kazamentu entre ema Katólika ida ho ema mai husi relijiaun seluk, ka fiar la hanesan, igreja loke dalan ba ida ne’e no tenki liuhusi prosesu ida. Maibé kazamentu kontratadu ne’e, parte igerja nian ita laiha kazamentu kontratadu,”Bispu Virgílio do Carmo da Silva, relata ba GMN, Domingu (13/8) iha Suku Grotu, postu administrativu Same, hafoin inaugura kapela São Maria Vianney, iha suku Grotu. Maske nune’e Bispu Diocese Díli ne’e hateten, lei kanoniku mós fó dalan ba kazamentu mistu. “Konaba kazamentu kontratadu ne’e  ita mós seidauk hatene klean, tamba ne’e ita presiza buka hatene lai,”hatutan Bispu Virgílio.  Kaben kontratu mak kazamentu ne’ebé realiza ho oferese determinadu rikusoin ho tempu ne’ebé determina ona no sei hakotu ho limitasaun tempu ne’ebé determina ona iha momentu kaben. Kazamentu kontratu individu sira laiha obrigasaun atu fahe heransa ba malu.ías