PREZIDENTE REPUBLIKA PREOKUPA KAZAMENTU MISTA

Ministru Interior (MI) Longinos Monteiro informa prezidente Republika Francisco Guterres Lu-olo preokupa situasaun Timor oan  halo kazamentu mista ho ema estranjeiru.

Longinos Monteiro hatete tuir dadus Servisu Migrasaun Timor Leste nian hatudu katak, Timor oan nain rihun ida atus ida hat nolu resin rua mak  halo ona kazamentu mista ho ema estranjeirus sira Longinos hatete Kazamentu mista ne’e sai preokupasaun bo’ot ba  Prezidenti Repúblika (PR), Francisco Guterres Lú-Olo, tanba ne’e husu ba Ministeriui Interior ne’ebe tutela ba Servisu Migrasaun atu bele tau atensaun ba situasaun ne’e. Ministru Interior Longinhos Monteiro ba jornalista sira hafoin hasoru malu ho prezidente Republika Francisco Guterres iha palacio Prezidencial Bairo Pite Dili. Longinhos afirma Prezidenti Republika husu para tau atensaun kona-ba kazamentu mista entre sidadoens estrangeirus ho sidadaun Timor oan sira. Longuinhos Monteiro esplika/, kestaun kazamentu mista la’os problema Governu nian de’it, maibe preokupasaun Estadu nian no tuir lei Migrasaun foun nian sei kriminaliza ba sidadaun ne’ebe mak halo kazamentu bazeia ba kontratu  no la iha dokumentus komprovativu. Longuinhos Monteiro afirma oras ne’e dadauk parte interior identifika ona kazu hitu ne’ebe ema estranjeiru kaben ho Timor oan ho objetivu negosiu iha Timor-Leste Governu sei fó atensaun makas ba kestaun ne’e.

_{Edisaun 1008017}

_{Texto:Napoleon Xavier}

_{Edisaun Texto:Azina Lola/ Alves da Costa}