Estrada Manduki fó ameasa ba movimentu

Estrada dirasaun Díli ba fronteira-Maliana konsidera estrada internasional, maibe estrada nafatin kuak no  seidauk hetan  manutensaun husi Governu.

Tanba  ne´e  transporte   ne´ebé mak importa sasan husi Nusa Tenggara Timur (NTT) Indonesia mai Díli tenki halai neneik liu tanba estarada kuak no balun fatuk, iha parte manduki nian.

Pior liu estrada Manduki  sa’e kurva maka’as no kuak  fó ameasa tebes ema sira mak sa’e transporte no tula sasan todan tantu husi diresaun Díli atu liu ba Bobonaro no husi NTT atu mai Díli.

Nune´e estrada  iha diresaun Karimbala  nian sa’e subida mós kuak no fatuk monu iha estrada laran, maibe laiha ema ruma mak atu foti ses fatuk  ne´e hodi tau ses ba  estrada ninin.

Maske loron ba loron nai ulun sira liu husi  estrada refere haree  hela nia kondisaun, maibe la hatene bainhira los mak atu hadia los estrada kuak hirak ne´e.    Espera katak, VII  Governu konstituisional sei tau prioridade ba estrada internasional  Díli ba fronteira, atu nune´e labele difikulta movimentu transporte.

Entretantu estrada Díli ba Liquiça, antes  ne´e  hetan ona rehabilitasaun  husi kompañia internasional España  São José iha tinan 2015-2016.

To’o notisia ne’e informasaun ne’ebe refeer seidauk iha konfirmasaun ba parte governu. avi