GMN TV Capital Komunidade Bidau hala’o orasaun tama-sai uma

Komunidade Bidau hala’o orasaun tama-sai uma

Xefi Komisaun Organizadora, Ubaldo Migue Lay Verdial, hatete, Komunidade Bairu Bidau Mota Klaran, hala’o orasaun ba grupu  tama-sai uma kain, atu komemora loron mahein ba komunidade sira nian, Nossa Senhora de  Lourdes ba dala 25.

“Ami komisaun  kria programa ida ne’e,  haree ba iha selebrasaun nain feto Nossa Senhora de Lourdes ne’ebé mak sei selebra iha loron 11 fulan Dezembru, no objetivu husi nain feto nia prezensa ba komunidade diak ne’ebé sei koalia biblia,” dehan Xefi Komisaun Organizadora ba GMN iha Bidau Mota Klaran, Dili, Kuarta (31 / 01 / 2018).

Nia hatutan, Dioseze Dili hasai tema ba tinan ida ne’e mak ‘Biblia ba Familia’. Tamba ne’e, orador ne’ebé mak sira prepara  husi relijiozu no relijioza sira atu koalia kona-ba maromak nia futar liafuan ba sarani sira.

“Ita hatene katak, sarani barak liu liu iha situasaun ida agora, sarani barak tebes, maibe fiar ba iha Igreja no atu hakbesik a’an hodi kaer netik biblia difisil tebes, entaun liu husi formasaun ida ne’e, atu bele loke sarani sira-nia hanoin oinsa  iha familia ida pelo menus fo netik oras ida ou minutu ida hamutuk ho maromak,” realsa Ubaldo.

Nia akresenta , sira-nia preparasaun hodi hala’o programa orasaun ba grupu ne’e, hahú ona iha tinan kotuk, ikus mai realiza.

Entretantu Manuel Saldanha hanesan sarani no mos komunidade iha bairu refere afirma, ho prezensa nain feto nian la’o tuir grupu, tama iha kada uma kain, bele lori domin no dame ba komunidade sira.

“Nossa Senhora nia prezensa mai ami grupo, senti ida ne’e haraik ka fo grasa  mai ami, no kbi’it, para bele kontinua nafatin moris ida ne’e , liu husi fiar nafatin ba ita nia Nai Feto,”realsa Manuel.Oly


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker