Konstrusaun moru Dolok-Oan sei sobu

Ministériu Dezenvolvimento Habitasaun Ordenamentu no Ambiente, iha tempu badak sei sobu moru ne’ebé halo iha Dolok-Oan, tanba Dolok-Oan ne’e, área protejidu. Diretor Turismu, José Kintas, hateten, área protejidu hotu iha Timor Leste, sidadaun ida labele rekere.

“Área Dolok-Oan ne’e ita hotu hatene katak, área protezida, tanba uluk kedas ita iha ona lei númeru 19/2000 iha tempu UNTAET nian kedas kona ba fatin sira ne’ebé mak protezida. Agora lei foun mosu, lei númeru 5/2016 kona ba, sistema nasional área protezida, entau área ne’ebé mak harii ona moru, tenki hasai tiha moru ne’e, tanba ita ko’alia kona ba área protezida, bainhira ita  atu harii moru ba fatin sira hanesan ne’e, tenki iha lisensa husi Diresaun Ambiental no Obras Públika, maibé ida ne’e laiha lisensa,” hateten José Kintas, ba GMN hafoin enkontru ho Autoridade Interministerial iha CCD, Kaikoli, Dili, Kuarta (13/02).

Nia haktuir, kompañia ida halo moru iha Dolok-Oan ne’e, laiha koñesimentu legal husi Autoridade sira iha Meti-Aut, nomós Ministériu relevante.

Nia hatutan,akta ne’ebé mak Governu liu husi liña  Ministerial asina konaba area prosezida tanba bainhira atu hari buat ruma iha area protezida tenki hetan lisensa husi Dirasaun Ambiental no Obras Publiku nian maibe to’o agora kompania ne’ebé mak halo moru ne’e laiha autorizasaun husi Ministeriu relevante tanba ne’e sei illegal no mos Governu asina akta iha  loron 11 fevreru tinan 2017 fo mandatu taspor entre Ministerial konaba asuntu Dolok Oan no area sira seluk tanba ba area Dolok-Oan ne’e parte Parlamentu mos preokupa mak’as husi deputadu Partidu PLP nian antau parte Governu foti asuntu ne’e iha debate iha konselhu Ministru para oinsa buka nia solusaun tanba  Governu mos liu husi nia dirasaun Ambiental fo tia ona notifikasaun agora notifikasaun ikus mak iha 16 Fevreiru ne’e karik iha 16 fevreiru ne’e mak kompania nain la sobu maka Governu sei ba sobu haktuir José Kintas.

Iha fatin hanesan sefi Inspeksaun Polusaun Ambiental  Pedro de Jesus informa, planu Governu nian fatin sira ne’ebé mak tama area protezida sei hasai hotu hanesan iha Tasi ibun Tasi-Tolu Lesidere to’o  Meti-Aut tanba iha lei artigu 6,F hateten, Estadu nia objetivu fundamental mak proteze didiak meu-ambiente hodi bolu nafatin rikusoin rai nian. Kontituisaun RDTL nian hateten Governu iha Direitu no Dever depende Rekursu Naturais ita liga ba Ambiente nia diak .

Relasiona ho asuntu ne’e Komandante PNTL Munisipiu Dili Superintendente Xefe Pedro Belo  dehan ita koalia konaba meu ambiente nian antau ita sobu uluk ema halo uma iha tasi ibun sira ne’e no alat berat sira ne’ebé rai iha tasi ibun sira ne’e kategoria atu hasai ka lae ida ne’e tenki identifika didiak maibe ita prekupa uluk buat kiik oan parte  PNTL  Munisipiu Dili Prontu atu asegura baihira iha pedidu husi Ministeriu relevante katak Pedro Belo. Na’in ba konstruksaun moru ne’e mak, Jong Sic Nheu.aba