MDS rezeita uza kareta estadu ba kampañia

Ministru Defeza no Seguransa José Agostinho Sequeira somotxo deklara durante partisipa kampanha partidu fretilin la uza karreta estadu.

Ministru Defesa no Seguransa José Agostinho Sequeira Somotxo hato’o deklarasaun ne’e hodi responde preokupasaun publiku neebe diskonfia nia uza karreta estadu hodi ba halo kampañia.

Somotxo informa karreta ne’ebé nia simu husi governu, oras ne’e para de’it iha uma no uza bainhira hala’o servisu governu.

Ministru Defeza no Seguransa hato’o kestaun ne’e hafoin hasoru malu ho Prezidenti Repúblika Francisco Guterres Lú Olo iha Palacio Prezidénsial Nicolao Lobato Bairru Pite Díli.

“Estadu nia kareta ne’e iha uma ne’ebá, ha’u kontinua nafatin ministru, ha’u seidauk husu lisensa. Tan ne’e maka ha’u mai nafatin iha ne’e. Mesmu hanesan ne’e mós fofoun ne’e ha’u la uza kareta governu nian, kareta governu nian mak para iha liur ne’ebá, ida ne’e imi haree iha kampañai ga? ne’ebe buat sira ne’e hotu kuaze normal.” Ministru Defesa no Seguransa José Agostinho Sequeira Somotxo hato’o kestaun ne’e ba jornalista sira.

Iha hasoru malu ho Prezidente Republika, Ministru Defeza no Seguransa informa kona ba situasaun jeral Seguransa rai laran liuliu kampanha eleitoral kontinua lao hakmatek.

Maski iha asidenti balun maibe nia apela nafatin ba sosiedade tomak atu mantein paz no estabilidade nune’e kampania bele la’o ho diak to remata.ías