IGREJA AIMUTIN HEIN FINISHING

Projektu konsruksaun Igreja Paroquia São José-Aimutin, Diocese Dili, hein deit ona prosesu finishing, tanba ne’e, iha tempu badak nia laran kompaña kontraktor Arta Dili husi Surabaya-Indonesia bele ona hahuu sira nia serbisu faze final nian.

Konstruksaun ba projetu multi annual nian ne’ebe finansia husi Governu atraves Gabinete Sociedade Sivil ne’e ninia prosesu faze primeiru ezekuta husi empreza kontraktor Sinoma Sibi Em Ai husi Xina, maibe tanba sira la iha esperensia halo konstruksaun Igreja inian, maka sira nia responsabildade halo deit nia struktura no finishing nian ne’e sira rekomenda atu buka fali kontraktor seluk ne’ebe iha esperensia halo Igreja.

Responsabel Konsultor  Igreja Aimutin, Cesar Vital Moreira, klarifika katak, iha fim da fulan ne’e, kompaña kontraktor husi Surabaya-Indonesia bele ona hahuu nia serbisu hodi finaliza kontruksaun Igreja Aimutin.

Responde ba JND iha Dili, Kinta (28/6/2018), Cesar Vital Moreira, hateten,  wainhira kompaña kontraktor husi Xina retira husi projetu ne’e, konsultor loke hikas ona konkursu publiku no hetan duni empreza Arta Dili ne’ebe iha esperensia atu finaliza kontruksaun ba Igreja Aimutik.

Tuir kontratu ne’ebe Governu asina ho Konsultor valor orsamentu ba Igreja ne’e provolta US$ 90,000, no governu tranfere ona osan duodesimu ho montante US$ 50,000 no hein deit ninia restu US$ 40,000.

Ho orsamentu ne’ebe iha, tuir Cesar Moreira nia kalkulasaun teknika katak, la sufisiente, maibe kontinua halo poupansa no buka tan osan oituan atu bele finansia projektu ne’e hotu ho kualidade. Dau-daun ne’e,  progresu konstruksaun fizika ba Igreja Aimutin tama ona  70%. ety