Lampu Painel Solar mate tanba batria ladiak no fiu a’at

Diretor Jeral Eletrisidade de Timor Leste (EDTL), Virgílio Guterres hatete lampu painel solar nebe governu monta iha Díli laran balu komesa mate tamba batria ladiak no fiu mak a’at.

Virgílio Guterres hato’o lia hirak nee ba JN-Diario Kuarta (30/05) iha ninia servisu fatin hodi hatan konaba lampu eletrisidade nebe monta iha fatin publiku balu komesa mate.

“ Publiku nian, Estadu   kuandu osan iha, buat hotu iha tenki hadia ne’e mos kabe ba orsamentu mos normalmente ema kuandu fo hatene mai ami sempre tun ba haree, kuandu sasan sira iha ami nia armajen iha, entaun ami bele ba  hadia”, hatete Diretor Jeral EDTL.

Tekniku senior iha EDTL nee dehan ahi balun mate duni maibe balun mos bateria hotu maka implika kona-ba ida ne’e maka lakan mate, anba ne’e maka afeita ba ne’eba fiu balun at no ita bo’ot sira hatete katak iluminasaun publiku iha Dili laran tomak ne’e kuaze 2.5 megawatt ne’e uza saugati deit.

Nia dehan normalmente Munisipiu maka tenki selu, maibe agora ezize para balun bele responsabiliza atu nune’e bele kolleta mos osan husi ne’eba, tanba ne’e lakan livre los.

Diretor Jeral nee hatutan Liga ba ahi lakan mate, ne’e hanesan faze ida kuandu fiu kois entaun nia afeita ba ahi ne’e lakan mate, maibe ita liga fila fali buat hotu lao normal.

Nia parte mos husu ba publika karik iha problema ruma akontese iha terenu, fo hatene ba autoridade EDTL atu nue’e sira bele tun diretamente.

Virílio Guterres akresenta tan, kuandu orsamentu iha ka orsamentu tranzisaun ka orsamentu 2018, parte EDTL tenki hatama duni atu bele hola tan kontador, tamba iha Díli laran  kontador balun at atu halo subtituisaun, tenki ba foti fali balun iha munisipiu nian nebe sei disponível hela lori mai tu bele atende lalais.SIS

Leave a Reply

Your email address will not be published. Required fields are marked *