JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konstrusaun Aeroportu Comoro tama faze dezeñu

Konstrusaun Aeroportu Comoro tama faze dezeñu

Ministru Transporte no Komunikasaun, José Agustinho da Silva, informa, Konstrusaun Aeroportu Internasionál Prezidenti Nicolau Lobato Comoro Díli, dadauk ne’e tama ona ba faze dezeñu.

Tuir Agustinho, iha tempu badak, ekipa tékniku husi Japaun sei mai hasoru Primeiru Ministru hodi ko’alia klean  liu kona ba konstrusaun Aeroportu Comoro.

Agustinho hateten, planu konstrusaun  aeroportu Internasional Nicolao Lobato sei halo iha tinan ne’e tanba  ekipa tekniku husi Japau iha eskejula nune’e sei mai hasoru malu ho tekniku Timor oan sira hodi halo ajenda enkontro ho Primeiru Ministru oinsa prosesu konstrusaun aeroportu refere.

“Prosesu konstrusaun aeroportu Comoro ne’e, agora dadauk la’o hela, ekipa tékniku sira husi Japaun fulan ida ne’e sei  to’o mai Timor-Leste, tanba sira iha ona eskedul tentative, atu hasoru malu ho parte tékniku Timor-Leste nian, no sira mós iha ona ajenda atu hasoru malu ho Primeiru Ministru, hodi ko’alia klean liu kona ba prosesu  konstrusaun Aeroportu Internasional Nicolau Lobato Comoro Dili”, Informa José Agustinho da Silva ba jornalista sira iha salaun  konferensia Ministru Transporte no Komunikasaun Caicoli Díli, Sesta(1/2/2019).

Agustinho haktuir, prosesu konstrusaun aeroportu Comoro ne’e, la’os foin mak planu, maibé desde  IV Governu kedas,  ho hanoin atu hadia di’ak liu tan aeroportu refere ho estandar Internasionál, tanba durante ne’e entidades hotu hatene aeroportu refere nia kondisaun kleur ona no hahú aat ba dadauk.

“Ita hein katak, prosesu konstrusaun aeropportu ne’e bele la’o ho di’ak, tenki liu husi planu mestri ida ne’ebé mak di’ak, tanba planu ne’e mak hanesan mata dalan ida ba ita atu bele hala’o konstrusaun ne’e ho di’ak”, relata  Governante ne’e.

Lee hotu :   Governu aprova prosedimentus investimentu privadu aprivadu

Iha fatin hanesan,  Xefe Reprezentante Organijasaun Internasional JICA, Nagashi Masafumi  esklarese, prosesu konstrusaun aeropportu  Nicolau Lobato iha ona  faze dezenho báziku, li-liu terminal  ba pasajeirus tama no sai inklui, tore  ne’ebé  Governu Japaun sei halo ho gratuitamente.

Nagashi  hatutan, konstrusaun aeroportu Comoro sei halo husi  Governu Japaun, gratuitamente, kompara ho  konstrusaun  estrada ligasaun Díli ba Baucau, ne’ebé ho  osan impréstimu husi governu  Japaun, liu husi Banku Mundial.

“Konstrusaun aeroportu Díli ne’e,  Governu Japaun sei halo  gratuitamente, ne’ebé mak ita seidauk hatene nia  medida, tanba  semana oin mak ekipa tékniku sira foin  mai halo  dezeñu báziku”, relata Nagashi.

Tuir  planu,  osan ne’ebé mak atu  uza hodi halo konstrusaun aero portu Internasional Nicolau Lobato Comoro Díli ne’e, sei finansia direita husi Governu Japaun, ho total orsamentu liu husi milliaun hat nulu.ola

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN, Loron-3 Fulan-Fevereiru Tinan-2019

JORNAL AS 12 GMNTV, Loron-3 Fulan-Fevereiru Tinan-2019

JORNAL NACIONAL GMNTV KALAN, Loron-2 Fulan-Fevereiru Tinan-2019

Close