GMN TV Capital Xanana inaugura obra tolu iha Dioseze Maliana

Xanana inaugura obra tolu iha Dioseze Maliana

Eis Primeiru Ministru (PM), Kay Rala Xanana Gusmão hetan konvite especial husi Prezidenti Episkopal Timorense, atual Bispu Dioseze Maliana, Dom Norberto do Amaral hodi inaugura obra tolu Dioseze Maliana nian ne’ebé maka lokaliza iha postu Administrativu Maliana, Municipiu Bobonaro.

Obra 3 ne’ebé lider istoriku ne’e inagura maka hanesan, Rezidensia Episkopal, Câmara Eclesiástica no Seminario ba Seminarista sira iha Dioseze Maliana.

Xanana Gusmão iha ninia intervensaun hateten, sente ksolok tebes, tanba bele hamutuk ho sarani no hamrik iha Bispu Dioseze tolu nia le’et hodi inagura obra Dioseze Maliana nian.

“Senti Klosok tebes mai hamutuk ho imi hotu, atu inaugura uma ne’e udan boot, hau haree imi balu husi ferik-katuas, joven no labarik ki’ik balu hamrik iha mota sorin no balu mota sorin, udan boot mos nafatin hamrik, ne’e hatudu katak família boot duni”, hateten Xanana Gusmão iha serimonia inagurasaun nee iha, Domingo (17/02/2019).

Orsamentu ba obra hirak ne’e mai husi Governu, tanba ne’e maka Igreja, liu-liu Dioseze Maliana husu agradese ba Governu momento ne’eba, ne’ebé lidera husi Kay Rala Xanana Gusmão.

Tanba ne’e, Xanana Gusmão husu ba igreja atu labele fo agradese ba governu nia ajuda, tanba la’os selu favor husi igreja Katolika iha ninia partisipasaun iha funu hodi manan funu, maibe aktu governu nian atu konsolida deit Timor nia identidade ne’ebé maioria katolika.

“Iha funu laran se igreja katolika, nai lulik sira, madre sira la fo apoiu maka’as ba rezistensia, ohin mos ita la hasoru malu iha momento ida ne’e, tanba ida ne’e amo sira lalika agradese ba Governu saída maka sira halo, ne’e la’os atu selu favor, la’os selu favor husi igreja katolika iha ninia partisipasaun maka’as ba funu hodi manan, ne’e atu konsulida deit ita nia identidade nudar rai katoliku ida, ne’ebé loke mos dalan ba konfisoens religiozu seluk, tanba ida ne’e ita hotu agradese ba maromak bele fo kbit ba Governu atu fo apoiu ba igreja atu kontinua nafatin ba serbisu”, apela  Xanana Gusmão.

Iha fatin hanesan, Prezidenti Episkopal Timorense, Bispu Norberto do Amaral, senti ondra boot ho partisipasaun Kay Rala Xanana Gusmão nian iha momento istoriku ne’e.

“Antes ne’e fatin ba padre sira mos laiha, maibe graças a deus ho inisiativa maun Boot Xanana Gusmão nian ne’ebé hola inisiativa fo ajuda ba agradese ho  millaun USD 1.500 kada Dioseze, ho ida ne’e maka konsege halo duni Câmara Eclesiástica nudar fatin reuniaun nian, fatin ba padre no madre sira ne’ebé mai husi dok bele deskansa, no mos paço episcopal ida ne’e ne’ebé harii iha tinan 2015, uma ida ne’e tinan 4 kedas maka hodi harii, no mos fatin ba seminarista sira”, hateten Prezidenti Espiskopal Timorense, Bispu Norberto do Amaral.

Dom Norberto do Amaral, obra tolu ne’ebé inaugura total orsamentu mai hotu husi Governu.

“Nu’udar bispu Dioseze Maliana agradese tebes ba atensaun Gvernu nian ba Dioseze Maliana hodi harii ninia infraestrutura hodi servisu iha Dioseze ida ne’e”, dehan Dom Norberto do Amaral.

Bispo Dioseze Maliana nee esklarese, konstrusaun ba hahu iha tinan 2015, no remata iha tinan 2017, ho orsamentu $ miliaun 1 resin, Câmara Eclesiástica hamutuk USD 170 mil kontrusaun durante tinan 1, no mos salaun ba seminarista sira, obra hirak ne’e konstroe husi Kompañia Binabi.

Aleinde inaugura Rezidensia Episkopal, Câmara Eclesiástica no Seminario ba Seminarista sira, selebra mos aniversario Bispu Norberto do Amaral ba dala 63.

Partisipa iha seremonia inaugurasaun ne’e mai husi lider istoriku, Xanana Gusmão, Bispu Dioseze Baucau, Dom Basílio do Nascimento, Bispu Dioseze Díli, Dom Virgílio do Carmo da Silva, Ministra Edukasaun, Juventude no Desportu, Dulce Soares, Religiozu no Religioza, sarani Dioseze Maliana, Veteranus, Autoridade Municipal no lider lokal sira. Mia

 


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker