Dom Carlos husu Timor-oan hadook-an husi violénsia

Bispu Dom Carlos Filipe Ximenes Belo SDB, husu Timor-oan sira atu hadook- an husi violénsia, hodi kria  unidade no paz ba nasaun.

Bispu Dom Carlos Filipe Ximenes Belo SDB mós,   husu ukun na’in sira atu ukun povu ho domin.

“Maske ha’u hela iha Portugal,  sempre reza bei-beik ba povu Timar-oan hotu, atu fó rahun di’ak nafatin hodi hala’o ida-idak nia atividade lor-loron ho di’ak. Husu mós ba ukun na’in sira hotu atu ukun povu ho di’ak, hodi rezolve povu nia moris, husu mós ba Timor oan sira hotu labele kria problema, hadok  aan husi violénsia, hodi kria ambiente ne’ebé di’ak iha ida-idak nia hela fatin, no husu mós ba arte marsiais sira atu labele halo problema bei-beik, hodi sai milísia ba malu, tenki fó liman ba malu, nune’e povu bele moris iha paz no hakmatek nia laran”, hateten Amu Bispo Dom Carlos Filipe Ximenes Belo, iha programa dader kmanek GMN TV,  edisaun  Sesta, loron 15/03.

Dom Carlos mós husu ba estudante sira atu estuda maka’as,  lee livru ne’ebé mak iha hodi nune’e bele fó motivu kona ba moris nian.

“Ita aprende de’it, tanba ema ne’ebé lee barak, sei sai matenek, maibé ema ne’ebé barukten lee, nia sei lahatene”, katak Dom Carlos.

Tuir Dom Carlos,  ema ne’ebé lee  barak, bele aumenta koñesimentu hodi dezenvolve  kapasidade nia’an rasik.

Entretantu, Amu Bispo Dom Carlos Filipe Ximenes  Belo SDB,  mai Timor-Leste hodi preside misa ba sarani sira iha Munisípiu Baucau.aba

Leave a Reply

Your email address will not be published. Required fields are marked *