Dom Virgílio husu joven sira hadók-an husi violénsia

Bispu Dioseze Díli, Dom Virgílio do Carmo da Silva SDB, husu joven sira liu-liu sarani Katólika atu hatudu hahalok nudar ema sarani, hodi hadók-an husi violensia ka problema hodi tau iha néon hahalok nu’udar ema sarani.

 “Ha’u nu’udar Bispu nafatin husu ba joven sira tenke tau iha néon hahalok nu’udar sarani, tanba ne’e bainhira atu halo buat ruma tenke hanoin uluk mak halo, laos halo uluk mak hánoin”,dehan Bispu Dioseze Díli, Dom Virgílio do Carmo da Silva SDB, ba JN-Diário Sábadu (1/06/2019) iha Eskola EBS Sabraka Laran Díli.

Bispu Dioseze Díli, hatete  situasaun violencia ne’ebé akontese ida ne’e laos ona hánorin uma kreda nian no laos ona hanorin ema sarani ida nian, tamba ida ne’e kontra ona doutrina Jesus Cristo ne’ebé mai hanorin konaba domin.

“Ita sei festa paskoa nian no ita sei selebra festa asunsaun Jesus sa’e ba lalehan hodi haruka esperitu santu tun mai ita atu hanorin no hametin liu tan doutrina maromak nian ho liafuan domin, tamba ne’e ho situasaun oho malu halo ita husu, ema hirak ne’e sarani ga lae.” dehan Bispu Dioseze Díli.

Dom Virgílio, afirma dalabarak ita halo an nudar ema sarani maibé ita nia hahalok la hatudu hanesan ema sarani, ne’ebé nudar Bispu kontinua husu no konvida joven sarani sira katak, ita koko tau iha ita nia néon labele halo tiha mak hanoin maibé hánoin tiha mak halo.

“Sei iha problema buka dalan atu rezolve ho fuan no kakutak uluk labele ho forsa, hanesan hanoin uluk mak halo labele halo uluk mak hanoin, ne’e dehan tarde ona tamba ne’e ho akontesimentu hirak ne’ebé liu ona, ita koko nafatin apela atu hakribi hahalok ne’ebé ladiak liu-liu hahalok oho malu no violencia .”Fel