Xanana propoin Portugal-Vanuatu simu medalla kondekorasaun

Prezidente Komisaun Organizadora ba Komemorasaun Loron Konsulta Popular 30 de Agusto, Kay Rala Xanana Gusmão, propoin ema nain 12 no Estadu rua, Portugal no Vanuatu  atu simu medalla kondekorasaun husi Timor-Leste.

Nunee iha Kuarta (31/07), Konsellu Ministru aprova ona  lista ho referensia  ema nain 12 no Estadu 2 husi  Prezidente Komisaun Organizadora 30 de Agusto Kay Rala Xanana Gusmão, ne’ebé propoin ba Prezidente Republika Francisco Guterres Lú-Olo, atu konsidera.

Lista naran ema nain 12 no Estadu 2 ne’ebé Xanana Gusmão propoin atu simu kondekorasaun ne’e,  tamba ema sira ne’e mós apoiu luta ba libertasaun nasional Timor-Leste nian durante okupasaun indonezia.

Ministru Estado Presidência  Conselho  Ministros Agio Pereira, hato’o asuntu ne’e hafoin partisipa reniaun Konsellu Ministru iha Palasiu Governu.

“Konsellu Ministru mós haree lista ida ne’ebé simu husi maun bo’ot Kay Rala Xanana Gusmão nu’udar Prezidente Komisaun Organizadora ba Komemorasaun Loron Konsulta Popular 30 de Agusto nian lista ho referensia ema no Estadu 12 atu propoin ba Prezidente Republika Francisco Guterres Lú-Olo, fó medalla de Timor, kondekora sira ,tamba sira nia apoiu ba ita nia luta ba libertasaun nasional inklui Estadu 2 ida Portugal no ida Vanuato nu’udar Estadu ,laos individu ne’ebé Konsellu Ministru aprova tiha ona nune’e Primeiru Ministru Taur Matan Ruak,sei tatoli no hato’o ba Prezidente Republika Francisco Guterres Lú-Olo ,hodi nune’e bele konsidera” Ministru Estado Presidência  Conselho  Ministros Agio Pereira, hato’o asuntu ne’e, hafoin partisipa reniaun konselu ministru iha Palasiu Governu,Kuarta (31/07).

Lista hirak ne’e sei simu medalla kondekorasaun husi Timor-Leste ne’e sei  reprezenta Estadu laos individu.

Tuir planu reprezentante Estadu ne’e sei simu   medalla kondekorasaun husi Timor-Leste ,iha selebrasaun Loron Konsulta Popular 30 de Agusto ne’ebé realiza iha Tasi-tolu, Díli.Tos