Dom Virgílio: Natal nu’udar prezente ba sarani sira

Arche Bispo Dioceze Díli, Dom Vírgilio do Carmo da Silva, SDB hatete, natal la’os atu selebra ho árvore natal, ilumisaun natal, bazar baratu, múzika natal no paixaun nia tarutu, maibé natal nu’udar loron murak hanesan prezente ba sarani katólika sira.
“Natal l’aos atu selebra ho árvore natal, ilumisaun natal, bazar baratu, múzika natal no paixaun nia tarutu, maibé natal buka atu hatene supreza saida mak natal sei lori mai no prezente saida mak ita hein husi natal ida ne’e sei lori mai”,Arche Bispo Dioceze Díli, Dom Vírgílio do Carmo da Silva, SDB, ba JN-Diário Domingu (22/12/2019) iha Maloa Ailok-Laran Díli.
Dom Virgílio hateten, hanesan Amo Bapa hatete, iha natal maromak halo supreza oi-oin ba ita ema iha rai, ita fila fali ba historia natal nian hodi deskobre sentidu los natal dahuluk iha belem ne’ebé nakonu ho supreza oi-oin hahú ho Maria no José nia prontidaun atu kolobora ho maromak nia planu maske sira rasik preokupa iha inisiu.
“Iha kalan natal, atan ha’u hakarak hato’o ha’u nia ksolok natal ba sarani hotu, kiik no bo’ot ferik no katuas, sira ne’ebé iha sidade no foho, ba sira ne’ebé moras iha hospital ga iha uma, hirak ne’ebé iha kadeia no hirak ne’ebé ema la tau matan, liu-liu ba maluk hirak ne’ebé dok husi familia.”
Dom Vírgílio subliña, ita hotu selebra dau-dauk natal nai nian ne’ebé la’os festa bai-bain basa festa ida ne’ebé ita selebra loron Jesus nia moris hodi hanoin fila mistériu bo’ot maromak nia domin halo a’an sai ema, ne’e duni bainhira koalia kona-ba natal dala barak liga ho saida, familia, fraternidade, alegria, ksolok, paz no seluk tan.Fel