Sarani Katólika tenke kontrola linguajen iha públiku

Padre Manuel Lelotalok husu sarani katólika hotu, atu kontrola linguajen iha públiku, liu-liu públikasaun sira iha média social, nune’e labele ofensa ema seluk nia dignidade.

“Nu’udar uma kreda, ita simu ona batizmu, ita tenke kuidadu ita-nia liafuan ba uma kreda rasik, tanba dalaruma iha Facebook ita mak aserku fali uma kreda, maibé afinal ita ne’e rasik ema batizadu, ita mak simu batizmu sai tiha sarani, na’in ba uma kreda, nu’udar makso’in, maibé ita rasik fali mak hatun ita aan rasik, ne’e labele, ne’e ema sarani laiha konsiensia, kona-bá oinsa natal ne’ebé mosu mai nu’udar naroman ne’ebé ita, ita mós sai naroman”, hateten Pe Manuel Lelotalok iha nia omília ba sarani parokia São José Ai-mutin Díli, iha missa selebrasaun loron Natal, Kuarta (25/12/2019).

Amu selebrante ne’e hateten, ho liafuan ne’ebé di’ak, sei lori ema ne’e rasik ba di’ak, no koñese moris ne’ebé loloos, no koñese Igreja katólika nia doutrina no manorin hotu, no sarani ne’ebé di’ak, hatene respeita malu no liu-liu inan no aman sira.

“Ho liafuan de’it mak ema hetan naroman, ita agradese tan ita ko’alia, no kanta kapáz tebes, ne’e Maromak mak tau liafuan di’ak, maibé labele hakilar malu de’it mak lian di’ak, kanta mós tenke halo lian ne’e kabuar di’ak, ita uza didi’ak liafuan hirak ne’e fó moris ba ita, nune’e husi Jesus mak matenek no buat hotu sei mosu mai. Se palavra de deus ne’e la inkanativu ba iha ita-nia leet, ita sei nakukun, tanba ne’e tenke kreativu, husi palavra deus Jesus Kristu, liu-liu iha nia evanjellu, biblia ne’e mak naroman ne’e mosu mai, halo ita hatene moris loloos hanesan ne’e, hatene ona oinsa respeita inan no aman, rekoñese ukun fuan 10, no iha buat hotu”, tenik Padre Lelotalok.

Iha missa ne’e, partisipa másimu husi juventude, labarik no inan aman sira, ho haksolok hodi selebra loron natal, nu’udar momentu haksolok nian.say

Leave a Reply

Your email address will not be published. Required fields are marked *