Dom Virgílio : Dialogu bele ultrapasa impase politiku

Arsebispu Dom Virgílio do Carmo da Silva SDB husu ba lider politiku sira atu tur hamutuk, dialogu hodi ultrapasa impasse politiku nebe akontese iha rai laran.

Bispo Diocese Díli hato’o iha nia homilia wainhira preside misa agradesementu tinan tuan ba tinan foun iha paroquia Nossa Senhora Imaculada da Conceição Katedral Dili.

Dom Virgílio do Carmo da Silva husu ba lideransa tuan sira hodi hala’o dialogu atu nune’e bele ultrapasa situasaun impsae politiku iha rai laran  hodi hanoin ida deit ba dezenvolvimentu nasaun ne’e nian.

Alende ne’e, lider politiku sira mos tenki fo liman ba malu nune’e iha tinan 2020 ne’e Timor Leste bele moris iha situasaunm ne’ebe paz no hakmatek la iha tan ódio vinganza politiku.

Dom Virgílio esplika relasaun ne’ebé atu buras tenke hakiak konfiansa atu labele halo abut deskonfiansa metin iha família no sosiedade nia le’et. GMN