MOP kontrata kompañia tolu hamoos drainazen sira iha Díli

Vise Ministru Obras Publikas, Nicolau Lino Freitas, hatete, Ministériu Obras Públikas,  kontrata  kompañia Lokal tolu atu hamos draneizen sira iha kapital Díli, hodi prevene inundasaun.

Kompañia tolu ne’ebé Governu kontrata ne’e mak hanesan, Luliana, Romantik no Díli United, ho durasaun kontratu fulan nen.

“Governu liu husi Ministériu Obras Públikas kontrata  ona kompañia Lokal tolu atu hamos dranazen sira iha kapital Díli, kompañia tolu ne’ebé Governu kontrata ne’e mak hanesan, Luliana, Romantik no Díli United ho durasaun kontratu fulan nen, ne’ebé kompañia tolu ne’e sei hamos drainazen sira iha kapital Díli hanesan iha Manleuana, Hudi laran, Kaikoli no fatin sira seluk iha Kapital Díli hodi prevene inundasaun. Orsamentu ba manutensaun drainazen sira ne’e uza orsamentu duadesimal ho montante rihun atus 4”, hatete Nicolau Lino Freitas ba  jornalista sira iha nia knar fatin Mandarin Díli, Tersa (11/02).

Iha parte seluk Governante ne’e mós halo monitorizasaun direta ba mota ida besik Igreja Metinaru nian, ne’ebé antes ne’e Membru Parlamentu sira preokupa.

“Ha’u mai vizita haree mota ne’e, tanba mota ne’e besik kedas igreja no eskola, maibé to’o iha ne’e husu ba Amu Paroku Metinaru ho komunidade sira, mota ne’e la fé ameasa ida, tanba drainazen luan”, katak Nicolau

Entretantu bainhira udan monu rai, kapital Díli sempre mosu inundasaun, tanba drainazen sira  nakonu ho rai no lixu.aba