JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pe.Guilhermino: Kuaresma Nai Ejiji ita nia pozisaun fuan no laran tenke moos

Pe.Guilhermino: Kuaresma Nai Ejiji ita nia pozisaun fuan no laran tenke moos

Padre (Pe.), Paróku Santo António Motael, Guilhermino da Silva, liu husi ómilia iha selebraun misa sinzas, husu ba sarani sira iha tempu kuaresma, sarani katolika sira presiza, la’o tuir vertude 3 nai Maromak nian, hatudu hahalok pozitivu, halo asaun sosial liu husi esmola no jejum.

Tanba, Nai Maromak Ejiji liu ba ema hotu-hotu tenke tau metin fuan no laran iha tempu vertude kuaresema nian ho mo’os hodi espritu nai maromak.

“Sarani sira hala’o kuaresma liu husi konkretiza liu husi jejum no aptinensia, kuaresma la’os kestaun regulamentu oi-oin kona-ba bele ka labele, la’os mós ho asaun sira ne’ebé iha karakterista fiziku nian, maibé nai ejiji liu mak ita nia pozisaun fuan no laran, ne’ebé mós no honestu nune’e bele sai naroman iha ita nia liafuan, asaun no hahalok pozetivu”, hatete, Padre Parókia Santo António Motael, Guilhermino da Silva, iha Igreja Motael, Kuarta (26/02/2020).

Amu selebrantes ne’e esplika liutan, esmola nu’udar asaun konkreta husi sarani nia atensaun no interese ba ema seluk, sai husi sarani nia aan hodi ba hasoru ema seluk, esmola hanesan vertude sosial, orasaun nu’udar ema nia hakaas aan, atu iha interasaun, komunikasaun no dialogu amizade, ho nai maromak iha orasaun buka maromak nia hakarak ba ita nia aan, orasaun hanesan vertude vertikal no iha orasaun mak hatudu fiar ba Maromak.

Padre Guilhermino afirma, jejum ka hader aan, hanesan vertude personal ne’ebé iha relasaun, ho ema nia hahalok, no hakas aan pesoal atu organiza aan, hakarak halo intropeksi ba aan rasik, brani firme karizidu ba buat ne’ebé mak impede ema nia hakarak atu hafoin aan, hader aan ida ne’e iha liu karakter  personal hanesan instrumentu ida uza atu purifika aan liu tan, hodi sai privadu ida ne’ebé forte.

Lee hotu :   Garante paz no estabilidade iha EA, Lú Olo promove diálogu ho autoridade lokal

Vertude tolu ida ne’e, hanesan maneira no asaun konkreta ne’e hanesan hatudu laran ne’ebé mós no honestu livre husi tendensia, no hatudu aan iha publiku no laiha tendensia atu buka, ema respeitu no buka di’ak baa an rasik, ne’e sei liberta ema hotu husi hahalok ipokrizia ka munafik.

Kristu hakarak konvesaun ne’ebé sarani sira halo, durante tempu kuaresma ba los Nai Maromak, la’os halo ba ita nia aan atu ema haree no koalia diak kona-ba ita,.

Padre ne’e haktuir, tempu kuaresma tempu ne’ebé oportunu atu sarani sira hadia aan, no hakbesik aan liu tan, ba Nai Maromak, hadia diak liu tan sarani nia vida kristaun nian, ne’ebé durante ne’e failla karik, lao lalos karik tuir Maromak nia ukun fuan,  tamba ne’e São Paulo fó hanoin mai ita atu labele nune de’it, Maromak nia dons ne’ebé ita simu ona.

“Ita agradese ba ita nia moris, tamba ita sei hetan oportunidade atu tama iha kuaresma ida ne’e, no agradese ba buat hotu ne’ebé ita bele  hetan hodi la husik buat hirak ne’e liu nune’e de’it,  agradese tamba ita iha hakarak hodi orienta ita nia aan tomak ba Maromak nia domin ne’ebé soi ita, vertude kuaresma nian sai ita hotu nia kna’ar,  no responsabilidade nu’udar kristu nia emar, ita luta la’os de’it iha tempu kuaresma maibé durante ita nia peregrinasaun tomak hanesan ema sarani”, haklaken, Pe. Guilhermino.Cin

Add to Comments Here!!!!

error: Content is protected.
Secured By miniOrange
You might also like:
Pe.Domingos: Sai kristaun eukaristiku, pronto halo diak ba malu

Padre (Pe.) Pároku Sagrado Coração de...

Postu UPM balun kondisaun ladiak

Komandante Unidade Polísia Marítima (UPM) Superintendente...

Sona kanek estudante Finantil, PNTL detein ona suspeitu na’in 22

Polísia Nasionál Timor-Leste (PNTL) Eskuadra Dom...

Close