GMN TV Capital PM husu MAE orienta xefi suku identifika valeta laiha kualidade

PM husu MAE orienta xefi suku identifika valeta laiha kualidade

Primeiru Ministru (PM), Taur Matan Ruak, orienta Ministeriu Administratsaun Estatal (MAE), hodi bolu autoridade lokal sira atu identifika valeta ne’ebe mak laiha kualidade.

Tanba ne’e, Vice-Ministro Administrasaun Estatal (MAE), Abílio José Caetano  hateten, PM husu ba MAE  atu koordena ho xefe suku sira, hodi halo identifikasaun ba valeta sira, iha kapital Díli ne’ebe laiha kualidade, no hato’o relatoriu ba Ministeriu Obras Publika (MOP) no Ajénsia Dezenvolvimentu Nasionál (ADN), hodi halo rekonstruasaun.

“PM bolu ha’u mai hodi husu atu envolve xefi suku sira atu bele identifika, valeta bo’ot hahu husu foho hun, tun to’o tasi, tamba uluk iha tempu Portuguesa valeta sira ne’ebe simu udan been husi foho hun ba to’o tasi, maibé ohin loron ita haree katak, valeta sira ne’e hahu iha sidade mak ba tasi maibe, husi foho hun laiha ona, tamba ne’e paresiza envolve xefe suku sira identifika valeta hirak ne’e hodi halo rekonstrusaun, ou bele alarga halo luan tan no atu hatama relatoriu ne’e ba MOP no ADN, hodi halo estudu iha sidade laran atu identifika hirak ne’e”, haktuir, Vice-Ministro Administrasaun Estatal, Abílio José Caetano, iha Palasiu Governu, Tersa (25/02/2020).

Abílio subliña, antes ne’e halo ona relatóriu kona-ba dezastre naturais iha despaxu ida mak seidauk kompletu, no nu’udar xefe unidade jestaun desastres naturais, halo ona reuniaun dala rua ikus liu halo relatóriu ba PM, no iha relatóriu la kompletu no  laiha dadus tamba ne’e, maka PM bolu atu tekniku sira fo dadus ida ne’ebe mak kompletu.

No tuir dadus ne’ebe sekretariu estadu protesaun sivíl, rejista numeru dezastre naturais, hahu husi dezembru 2019 to’o mai agora hamutuk 500 resin, no aumenta tan ho akontese iha domingo ne’e. Cin

 


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker